వేమన పద్యాలు/ల
లేఁడు లేఁడనినను లేఁడు లేనేలేఁడు[మార్చు]
లేఁడు లేఁడనినను లేఁడు లేనేలేఁడు
కాఁడు కాఁడటన్న కానెకాఁడు
తోడు తోడనినను తోడనే తోడౌను
విశ్వదాభిరామ వినర వేమ!
లంకపోవునాఁడు లంకాధిపతి రాజ్య[మార్చు]
లంకపోవునాఁడు లంకాధిపతి రాజ్య
మంత కీశసేన లాక్రమించె
చేటుకాలమైనఁ జెఱుప నల్పుఁడె చాలు
విశ్వదాభిరామ వినర వేమ!
లింగ మంగమునను లీలఁ దెలియువెన్క[మార్చు]
లింగ మంగమునను లీలఁ దెలియువెన్క
మనసు లింగమందు మరులుకొనును
మనసు నిల్పనందె మఱిలింగ ముండురా
విశ్వదాభిరామ వినర వేమ!
లింగమందుచూడ లీనమై యుండెనా[మార్చు]
లింగమందుచూడ లీనమై యుండెనా
యంగమందు లింగ మమరియుండు
లింగభావమెఱిఁగి లీనమై యుండరు
విశ్వదాభిరామ వినర వేమ!
లంజ దానియొక్క లాలించిముద్దాడు[మార్చు]
లంజ దానియొక్క లాలించిముద్దాడు
మిండ డరయ లంజమీఁది ప్రేమ
ఆడుదానివంక నందఱు చుట్టముల్
విశ్వదాభిరామ వినర వేమ!
లంజ లంజకానిలాగెల్లఁ గొనియాడు[మార్చు]
లంజ లంజకానిలాగెల్లఁ గొనియాడు
లంజతల్లివాని లజ్జ గడుగు
తల్లి గలుగులంజఁ దగులుట దోషంబు
విశ్వదాభిరామ వినర వేమ!
లోక మరసినట్టి లోకోపకారులు[మార్చు]
లోక మరసినట్టి లోకోపకారులు
భోగభాగ్యములను బొంది తుదను
పూర్వవాసన విడిపురహరు తావున
మ్రోగుచుంద్రు తారు మొనసి వేమ!
లోకములకు గురువు లోకులకును గుర్వు[మార్చు]
లోకములకు గురువు లోకులకును గుర్వు
వదియుఁ దెలిసి మోక్ష మందుగోరి
గురునిఁ గనక నరక కూపము నందురు
విశ్వదాభిరామ వినర వేమ!
లక్ష్మియేలినట్టి లంకాధిపతిపురి[మార్చు]
లక్ష్మియేలినట్టి లంకాధిపతిపురి
పిల్లకోతి పౌఁజు కొల్లబెట్టె
కలసి వచ్చువేళ ఘనులౌదు రల్పులు
విశ్వదాభిరామ వినురవేమ!
లేని కాలమునకు లేమిమనము నొందు[మార్చు]
లేని కాలమునకు లేమిమనము నొందు
నీనిన పులిరీతి నెఱుఁగకుండు
కఠినబుద్ధి కిట్లు కలిమేమి గల్గురా
విశ్వదాభిరామ వినర వేమ!
లోన బయలుచేసి లోకంబు దెగటార్చి[మార్చు]
లోన బయలుచేసి లోకంబు దెగటార్చి
కులము గాలఁబెట్టి గుణము వదలి
చింతలోనిచింతఁ జేరిన యోగిరా
విశ్వదాభిరామ వినర వేమ!
లోను చూడఁజూడ లోకాభిరామంబు[మార్చు]
లోను చూడఁజూడ లోకాభిరామంబు
బయలు చూడఁజూడ బంధనంబు
తన్నుఁజూడఁజూడ తారక బ్రహ్మంబు
విశ్వదాభిరామ వినర వేమ!
లోను బదిలపఱచి లోనివికారముల్[మార్చు]
లోను బదిలపఱచి లోనివికారముల్
దలఁచి మెట్టువారు తెలియువారు
ఆకసమున వేడ్కనరయంగ నుందురు
విశ్వదాభిరామ వినర వేమ!
లోభి వానిఁ జంప లోకంబు లోపల[మార్చు]
లోభి వానిఁ జంప లోకంబు లోపల
మందు వలదు; వేఱె మతము గలదు
పైక మడుగఁ జాల భగ్గున పడి చచ్చు
విశ్వదాభిరామ వినర వేమ!
లోభమోహములును ప్రాభవములుదప్పు[మార్చు]
లోభమోహములును ప్రాభవములుదప్పు
దలఁచిన పనులెల్లఁ దప్పిచనును
తా మొకటి దలంప దైవమొక్కటిఁదల్చు
విశ్వదాభిరామ వినర వేమ!
లలితశివ తత్వపదమునఁ[మార్చు]
లలితశివ తత్వపదమునఁ
గలసిన శివయోగియేల కలియును జనుల
జలబిందువు ముత్తియమై
కలియునె తొల్లింటి నీటఁగనరా వేమా!
లోకమందుబుట్టి లోకమందె పెరిగి[మార్చు]
లోకమందుబుట్టి లోకమందె పెరిగి
లోక విభవమోర్వలేక జనుడు
లోకమందు జనికి లోబడి చెడిపోవును
విశ్వదాభిరామ వినుర వేమ!