వేమన పద్యాలు/య
యోగిననుచు గొంత యోగముగూర్చక
[మార్చు]యోగిననుచు గొంత యోగముగూర్చక
జగమునెల్లబట్ట చంపి తినుచు
ధనము కొఱకు వాడు తగవాడుచుండిన
యోగికాడు వాడె యోగువేమ !
యోనియందె పుట్టి యోనికి రుచిఁజేయు
[మార్చు]యోనియందె పుట్టి యోనికి రుచిఁజేయు
చన్నుగుడిచి పెరిగి చన్నుఁబట్టు
సృష్టిలోన నడఁగు సిగ్గెఱుగని జీవి
విశ్వదాభిరామ వినర వేమ!
యుగములఁ జల్లగఁ జూచును
[మార్చు]యుగములఁ జల్లగఁ జూచును
తగలక యుగయుగమునందు తపసుల కైన
వగవక యేవకయుండిన
నిగనిగమనుకాంతి మదిని నిలుచుర వేమా!