సర్వజ్ఞత్వము
ప|| సర్వజ్ఞత్వము వెదకగనొల్లను సందేహింగనొల్లను |
సర్వజ్ఞుండను నాచార్యుండే సర్వశేషమే నాజీవనము ||
చ|| యెఱగనొల్లము విజ్ఞానపుగతి యెఱుకలు నే మిటుసోదించి |
యెఱిగి యితరులను బోధించెదమనుయీపెద్దరికము నొల్లము |
యెఱిగేటివాడును యాచార్యుండే, యెఱుకయు సర్వేశ్వరుడే |
యెఱుకయు మఱపును మానివుండుటే యిదియేపో మావిజ్ఞానము ||
చ|| చదువగనొల్లము సకలశాస్త్రములు సారెకుసారెకుసోదించి |
చదివి పరులతో యుక్తివాదములు జగడము గెలువగనొల్లము |
చదివేటివాడును నాచార్యుండే, చదువును నాయంతర్యామే |
చదువుకు జదువమికి దొలగుటే నానాసాత్వికభావమే నా తెలివి ||
చ|| అన్నిటికిని నే నధికారిననెడియహంకారము నొల్లను |
కన్నులజూచుచు నందరిలో నే గాదని తొలగానొల్లను |
మన్నన శ్రీవేంకటేశ్వరుకరుణను మాయాచార్యుడే అధికారి
వున్నరీతినే అస్తినాస్తులకు నూరకుండుటే నాతలపు ||
pa|| sarvaj~jatvamu vedakaganollanu saMdEhiMganollanu |
sarvaj~juMDanu nAcAryuMDE sarvaSEShamE nAjIvanamu ||
ca|| yerxaganollamu vij~jAnapugati yerxukalu nE miTusOdiMci |
yerxigi yitarulanu bOdhiMcedamanuyIpeddarikamu nollamu |
yerxigETivADunu yAcAryuMDE, yerxukayu sarvESvaruDE |
yerxukayu marxapunu mAnivuMDuTE yidiyEpO mAvij~jAnamu ||
ca|| caduvaganollamu sakalaSAstramulu sArekusArekusOdiMci |
cadivi parulatO yuktivAdamulu jagaDamu geluvaganollamu |
cadivETivADunu nAcAryuMDE, caduvunu nAyaMtaryAmE |
caduvuku jaduvamiki dolaguTE nAnAsAtvikaBAvamE nA telivi ||
ca|| anniTikini nE nadhikArinaneDiyahaMkAramu nollanu |
kannulajUcucu naMdarilO nE gAdani tolagAnollanu |
mannana SrIvEMkaTESvarukaruNanu mAyAcAryuDE adhikAri
vunnarItinE astinAstulaku nUrakuMDuTE nAtalapu ||
బయటి లింకులు
[మార్చు]
| అన్నమయ్య పాటలు | 
|
|---|---|
| అ | ఆ | ఇ | ఈ | ఉ | ఊ | ఋ | ౠ | ఎ | ఏ | ఐ | ఒ | ఓ | ఔ | అం | అః | క | ఖ | గ | ఘ | ఙ | చ | ఛ | జ | ఝ | ఞ | ట | ఠ | డ | ఢ | ణ | త | థ | ద | ధ | న | ప | ఫ | బ | భ | మ | య | ర | ల | వ | శ | ష | స | హ | ళ | ఱ
| |