రాముడు లోకాభిరాముడందరికి
ప|| రాముడు లోకాభిరాముడందరికి రక్షకు డీతని దెలిసి కొలువరో |
కామిత ఫలదుడు చరాచరములకు గర్తయైన సర్వేశ్వరుడితడు ||
చ|| తలప దశరథుని తనయుడట తానె తారక బ్రహ్మట |
వెలయ మానుషపు వేషమట వెగటు హరువిల్లు విరిచెనట |
అలరగ తానొక రాజట పాదాన నహల్య శాపము మాన్పెనట |
సొలవక దైవిక మానుషలీలలు చూపుచు మెరసీ జూడరో యితడు ||
చ|| జగతి వసిష్ఠుని శిష్యుడట జటాయువుకు మోక్షమిచ్చెనట |
అగచరులే తనసేనలట అంబుధి కొండల గట్టెనట |
మగువ కొరకుగానట కమలాసను మనుమని రావణు జంపెనట |
తగలౌకిక వైదికములు నొక్కట తానొరించీ జూడరో యితడు ||
చ|| వెస నమరుల వరమడిగెనట విభీషణ పట్టము గట్టెనట |
యెసగ నయోధ్యకు నేలికట యింద్రాదులకు గొలువిచ్చెనట |
పొసగ శ్రీ వేంకటగిరి నివసమట భువనము లుదరంబున ధరించెనట |
సుసరపు సూక్ష్మాధికములు తనందు జూపుచునున్నాడు చూడరో యితడు ||
pa|| rAmuDu lOkABirAmuDaMdariki rakShaku DItani delisi koluvarO |
kAmita PaladuDu carAcaramulaku gartayaina sarvESvaruDitaDu ||
ca|| talapa daSarathuni tanayuDaTa tAne tAraka brahmaTa |
velaya mAnuShapu vEShamaTa vegaTu haruvillu viricenaTa |
alaraga tAnoka rAjaTa pAdAna nahalya SApamu mAnpenaTa |
solavaka daivika mAnuShalIlalu cUpucu merasI jUDarO yitaDu ||
ca|| jagati vasiShThuni SiShyuDaTa jaTAyuvuku mOkShamiccenaTa |
agacarulE tanasEnalaTa aMbudhi koMDala gaTTenaTa |
maguva korakugAnaTa kamalAsanu manumani rAvaNu jaMpenaTa |
tagalaukika vaidikamulu nokkaTa tAnoriMcI jUDarO yitaDu ||
ca|| vesa namarula varamaDigenaTa viBIShaNa paTTamu gaTTenaTa |
yesaga nayOdhyaku nElikaTa yiMdrAdulaku goluviccenaTa |
posaga SrI vEMkaTagiri nivasamaTa Buvanamu ludaraMbuna dhariMcenaTa |
susarapu sUkShmAdhikamulu tanaMdu jUpucununnADu cUDarO yitaDu ||
బయటి లింకులు
[మార్చు]
| అన్నమయ్య పాటలు | 
|
|---|---|
| అ | ఆ | ఇ | ఈ | ఉ | ఊ | ఋ | ౠ | ఎ | ఏ | ఐ | ఒ | ఓ | ఔ | అం | అః | క | ఖ | గ | ఘ | ఙ | చ | ఛ | జ | ఝ | ఞ | ట | ఠ | డ | ఢ | ణ | త | థ | ద | ధ | న | ప | ఫ | బ | భ | మ | య | ర | ల | వ | శ | ష | స | హ | ళ | ఱ
| |