చిత్తజ గరుడ నీకు
చిత్తజగురుడా నీకు శ్రీమంగళం నా
చిత్తములో హరి నీకు శ్రీమంగళం ||
బంగారు బొమ్మవంటి పడతి నురముమీద
సింగారించిన నీకు శ్రీమంగళం
రంగుమీర పీతాంబరము మొలగట్టుకొని
చెంగిలించే హరినీకు శ్రీమంగళం ||
వింత నీలమువంటి వెలదిని పాదముల
చెంత బుట్టించిన నీకు శ్రీమంగళం
కాంతుల కౌస్తుభమణి గట్టుక భక్తులకెల్లా
చింతామణివైన నీకు శ్రీమంగళం ||
అరిది పచ్చల వంటి యంగన శిరసుమీద
సిరుల దాల్చిన నీకు శ్రీమంగళం
గరిమ శ్రీవేంకటేశ ఘనసంపదలతోడి
సిరివర నీకు నివే శ్రీమంగళం ||
cittaja garuDa nIku SrImaMgaLaM nA
cittamulO hari nIku SrImaMgaLaM
baMgAru bommavaMTi paDati nuramumIda
siMgAriMcina nIku SrImaMgaLaM
raMgumIra pItAMbaramu molagaTTukoni
ceMgiliMcE harinIku SrImaMgaLaM
viMta nIlamuvaMTi veladini pAdamula
ceMta buTTiMcina nIku SrImaMgaLaM
kAMtula kaustuBamaNi gaTTuka BaktulakellA
ciMtAmaNivaina nIku SrImaMgaLaM
aridi paccala vaMTi yaMgana SirasumIda
sirula dAlcina nIku SrImaMgaLaM
garima SrIvEMkaTESa GanasaMpadalatODi
sirivara nIku nivE SrImaMgaLaM
బయటి లింకులు[మార్చు]
| అన్నమయ్య పాటలు | 
|
|---|---|
| అ | ఆ | ఇ | ఈ | ఉ | ఊ | ఋ | ౠ | ఎ | ఏ | ఐ | ఒ | ఓ | ఔ | అం | అః | క | ఖ | గ | ఘ | ఙ | చ | ఛ | జ | ఝ | ఞ | ట | ఠ | డ | ఢ | ణ | త | థ | ద | ధ | న | ప | ఫ | బ | భ | మ | య | ర | ల | వ | శ | ష | స | హ | ళ | ఱ
| |