అవతారమందె నిదె అద్దమరేతిరికాడ
అవతారమందె నిదె అద్దమరేతిరికాడ
భవహరుఁడు శ్రావణబహుళాష్టమిని // పల్లవి //
వసుదేవుఁడు సేసిన పరతపముఫలము
పసల దేవకిపాలి భాగ్యరేఖ
దెసల సజ్జనులకు తిరమైన పుణ్యము
కొసరికె కంసుని గుండెదిగులు // అవ //
నందగోపుని యెదుటి నమ్మిన యైశ్వర్యము
కందువ యశోదకు కనకనిధి
ముందరి గొల్లెతలకు మోహపుఁ బాలజలధి
సందడి శిశుపాలునిసంహారము // అవ //
దేవతలమునులకు దివ్యమైన పరంజ్యోతి
భావించుదాసుల వజ్రపంజరము
శ్రీవేంకటాద్రిమీఁదఁ జెలఁగే కృష్ణుఁ డిదివో
దావతి నరకాసురు తలగుండుగండఁడు // అవ //
avatAramaMde nide addamarEtirikADa
bhavaharuDu SrAvaNabahuLAShTamini // pallavi //
vasudEvuDu sEsina paratapamuphalamu
pasala dEvakipAli bhAgyarEkha
desala sajjanulaku tiramaina puNyamu
kosarike kaMsuni guMDedigulu // ava //
naMdagOpuni yeduTi nammina yaiSvaryamu
kaMduva yaSOdaku kanakanidhi
muMdari golletalaku mOhapu bAlajaladhi
saMdaDi SiSupAlunisaMhAramu // ava //
dEvatalamunulaku divyamaina paraMjyOti
bhAviMchudAsula vajrapaMjaramu
SrIvEMkaTAdrimIda jelagE kRuShNu DidivO
dAvati narakAsuru talaguMDugaMDaDu // ava //
బయటి లింకులు[మార్చు]
| అన్నమయ్య పాటలు | 
|
|---|---|
| అ | ఆ | ఇ | ఈ | ఉ | ఊ | ఋ | ౠ | ఎ | ఏ | ఐ | ఒ | ఓ | ఔ | అం | అః | క | ఖ | గ | ఘ | ఙ | చ | ఛ | జ | ఝ | ఞ | ట | ఠ | డ | ఢ | ణ | త | థ | ద | ధ | న | ప | ఫ | బ | భ | మ | య | ర | ల | వ | శ | ష | స | హ | ళ | ఱ
| |