అతఁడే రక్షకుఁ డందరి కతఁడే

అతఁడే రక్షకుఁ డందరి (రాగం: ) (తాళం : )

అతఁడే రక్షకుఁ డందరి కతఁడే
పతి యుండఁగ భయపడఁ జోటేది // పల్లవి //

అనంతకరము లనంతాయుధము -
లనంతుఁడు ధరించెలరఁగను
కనుఁగొని శరణాగతులకు మనకును
పనివడి యిఁక భయపడఁజోటేది // అతఁడే //

ధరణి నభయహస్తముతో నెప్పుడు
హరి రక్షకుఁడై యలరఁగను
నరహరికరుణే నమ్మినవారికి
పరఁదున నిఁక భయపడఁజోటేది // అతఁడే //

శ్రీ వేంకటమున జీవులఁ గాచుచు
నావల నీవల నలరఁగను
దైవశిఖామణి దాపగు మాకును
భావింపఁగ భయపడఁజోటేది // అతఁడే //

బయటి లింకులు

అన్నమయ్య పాటలు
అ \| ఆ \| ఇ \| ఈ \| ఉ \| ఊ \| ఋ \| ౠ \| ఎ \| ఏ \| ఐ \| ఒ \| ఓ \| ఔ \| అం \| అః \| క \| ఖ \| గ \| ఘ \| ఙ \| చ \| ఛ \| జ \| ఝ \| ఞ \| ట \| ఠ \| డ \| ఢ \| ణ \| త \| థ \| ద \| ధ \| న \| ప \| ఫ \| బ \| భ \| మ \| య \| ర \| ల \| వ \| శ \| ష \| స \| హ \| ళ \| ఱ