భక్తి యోగము
| భగవద్గీత - తెలుగు అనువాదము (భక్తి యోగము) | సంస్కృత శ్లోకములు→ |
ఏవం సతతయుక్తా యే భక్తాస్త్వాం
[మార్చు]1. అర్జున ఉవాచ: ఏవం సతతయుక్తా యే భక్తాస్త్వాం పర్యుపాసతే | యే చాప్యక్షరమవ్యక్తం తేషాం కే యోగవిత్తమాః ||
అర్జునుడు పలికెను - ఓ కృష్ణా! అనన్యభక్తితో పూర్వోక్తరీతిగా నిరంతరము నిన్నే భజించుచు, ధ్యానించుచు, పరమేశ్వరుడవైన నీ సగుణ రూపమును ఆరాధించువారును, కేవలము అక్షరుడవగు సచ్చిదానంద ఘననిరాకార పరబ్రహ్మవైన నిన్ను అత్యంతభక్తిభావంతో సేవించువారును కలరు. ఈ రెండు విధములైన ఉపాసకులలో అత్యుత్తమ యోగవిదులెవరు?
మయ్యావేశ్య మనో యే
[మార్చు]2. శ్రీభగవానువాచ: మయ్యావేశ్య మనో యే మాం నిత్యయుక్తా ఉపాసతే | శ్రద్ధయా పరయోపేతాస్తే మే యుక్తతమా మతాః ||
శ్రీ భగవానుడు ఇట్లనెను -
పరమేశ్వరుడనైన నాయందే ఏకాగ్రచిత్తులై, నిరంతరము నా భజనధ్యానాదులయందే నిమగ్నులై, అత్యంతశ్రద్దాభక్తులతో నన్ను ఆరాధించు భక్తులే యోగులలో మిక్కిలి శ్రేష్ఠులు - అని నా అభిప్రాయము.(వారు సగుణోపాసన లేదా నిర్గుణోపాసన లలొ ఏది ఐనను అనుసరించవచ్చు)
యే త్వక్షరమనిర్దేశ్యమవ్యక్తం
[మార్చు]3. యే త్వక్షరమనిర్దేశ్యమవ్యక్తం పర్యుపాసతే | సర్వత్రగమచింత్యం చ కూటస్థమచలం ధ్రువమ్ ||
కాని ఇంద్రియసముదాయమును చక్కగా వశపరచుకొనినవారును, సకల భూతములకును హితమునే కోరుచుండువారును, సర్వప్రాణులను సమభావముతో చూచువారును యోగులు అనబడుదురు.
సంనియమ్యేన్ద్రియగ్రామం
[మార్చు]4. సంనియమ్యేంద్రియగ్రామం సర్వత్ర సమబుద్ధయః | తే ప్రాప్నువన్తి మామేవ సర్వభూతహితే రతాః ||
అట్టివారు మనోబుద్దులకు అతీతుడును, సర్వవ్యాపియు, అనిర్వచనీయమైన స్వరూపము గలవాడును, కూటస్థుడును, నిత్యుడును, నిశ్చలుడును, నిరాకారుడును, నాశరహితుడును ఐన సచ్చిదానంద ఘనపరబ్రహ్మయందే నిరంతరము ఏకీభావస్థితులై, ధ్యానము చేయుచు, భక్తితో భజించుచు, ఆ పరబ్రహ్మమునే పొందుదురు.
క్లేశోऽధికతరస్తేషామవ్యక్తాసక్తచేతసామ్
[మార్చు]5. క్లేశోऽధికతరస్తేషామవ్యక్తాసక్తచేతసామ్ | అవ్యక్తా హి గతిర్దుఃఖం దేహవద్భిరవాప్యతే ||
నిరాకార బ్రహ్మలో మనస్సు నిలిపిన వాళ్ళకు ప్రయాస ఎక్కువ. దేహధారులకు నిర్గుణ తత్వ లక్ష్యాన్ని అందుకోవడము చాలా కష్టం.
యే తు సర్వాణి కర్మాణి
[మార్చు]6. యే తు సర్వాణి కర్మాణి మయి సంన్యస్య మత్పరాః | అనన్యేనైవ యోగేన మాం ధ్యాయన్త ఉపాసతే ||
సర్వకర్మలన్నీనాలో వదిలి, నన్నే లక్ష్యముగా పెట్టుకుని మనస్సుని అన్య విషయాల వైపు మరలనీయకుండా ధ్యానిస్తూ ఎవరు ఉపాసిస్తారో,
తేషామహం సముద్ధర్తా
[మార్చు]7. తేషామహం సముద్ధర్తా మృత్యుసంసారసాగరాత్ | భవామి నచిరాత్పార్థ మయ్యావేశితచేతసామ్ ||
అర్జునా నా యందే మనసు నిలిపిన వాళ్ళను త్వరలోనే మృత్యుసంసార సాగరం నుండి నేనే ఉద్ధరిస్తాను.
మయ్యేవ మన ఆధత్స్వ
[మార్చు]8. మయ్యేవ మన ఆధత్స్వ మయి బుద్ధిం నివేశయ | నివసిష్యసి మయ్యేవ అత ఊర్ధ్వం న సంశయః ||
నాలోనే మనసు నిలుపు బుద్ధిని నాలోనే ఉంచు. ఆ తరవాత నాలోనే నివిసిస్తావు. ఇందులో సందేహం లేదు.
అథ చిత్తం సమాధాతుం
[మార్చు]9. అథ చిత్తం సమాధాతుం న శక్నోషి మయి స్థిరమ్ | అభ్యాసయోగేన తతో మామిచ్ఛాప్తుం ధనంజయ ||
ధనంజయా స్థిరంగా నాలో చిత్తాన్ని నిలపలేక పోయినట్లైతే, అప్పుడు అభ్యాస యోగం చేత నన్ను పొందడానికి ప్రయత్నించు.
అభ్యాసేऽప్యసమర్థోऽసి
[మార్చు]10. అభ్యాసేऽప్యసమర్థోऽసి మత్కర్మపరమో భవ | మదర్థమపి కర్మాణి కుర్వన్సిద్ధిమవాప్స్యసి ||
అభ్యాసం కూడా నీవు చేయలేక పోతే, నా పరమైన కర్మలలో నిమగ్నం కా. నా కోసం కర్మలు చేసినప్పటికీ సిద్ధిని పొందుతావు.
అథైతదప్యశక్తోऽసి కర్తుం
[మార్చు]11. అథైతదప్యశక్తోऽసి కర్తుం మద్యోగమాశ్రితః | సర్వకర్మఫలత్యాగం తతః కురు యతాత్మవాన్ ||
నా కొరకై కర్మలు ఆచరించడానికి కూడా నీవు అసమర్ధుడివైతే నన్ను శరణు పొంది నీ కోసం చేసే కర్మలన్నింటినీ నాకు సమర్పించి, ఆ సమస్త కర్మల ఫలాన్ని త్యజించు.
శ్రేయో హి జ్ఞానమభ్యాసాజ్జ్ఞానాద్ధ్యానం
[మార్చు]12. శ్రేయో హి జ్ఞానమభ్యాసాత్ జ్ఞానాద్ధ్యానం విశిష్యతే | ధ్యానాత్కర్మఫలత్యాగస్త్యాగాచ్ఛాంతిరనంతరమ్ ||
అభ్యాసంకంటే జ్ఞానం మేలు. జ్ఞానంకన్నా కర్మఫల త్యాగం ఎక్కువైనది. ఈ త్యాగం వలన తరవాత శాంతి(మోక్షం) కలుగుతుంది.
అద్వేష్టా సర్వభూతానాం
[మార్చు]13. అద్వేష్టా సర్వభూతానాం మైత్రః కరుణ ఏవ చ | నిర్మమో నిరహంకారః సమదుఃఖసుఖః క్షమీ ||
ఏ ప్రాణిని ద్వేషించని వాడు, అహంకార మమకారాలు లేని వాడు, సుఖదుఃఖాలలో సమంగా వ్యవహరించేవాడు, క్షమా గుణం కలవాడు,
సంతుష్టః సతతం యోగీ
[మార్చు]14. సంతుష్టః సతతం యోగీ యతాత్మా దృఢనిశ్చయః | మయ్యర్పితమనోబుద్ధిర్యో మద్భక్తః స మే ప్రియః ||
నిత్యము సంతుష్టుడై , యోగియై, మనో నిగ్రహం కలవాడై, దృఢమైన నిశ్చయముతో, మనో బుద్ధులను నాకు అర్పించిన నా భక్తుడు నాకు ప్రియుడు.
యస్మాన్నోద్విజతే లోకో
[మార్చు]15. యస్మాన్నోద్విజతే లోకో లోకాన్నోద్విజతే చ యః | హర్షామర్షభయోద్వేగైర్ముక్తో యః స చ మే ప్రియః ||
ఎవరివల్ల లోకం వ్యధ చెందదో, లోకం వలన ఎవడు వ్యధ చెందడో, సంతోషం, కోపం, భయం, ఉద్వేగాల నుండి ఎవడు ముక్తుడో అతడు నాకు ప్రియుడు.
అనపేక్షః శుచిర్దక్ష ఉదాసీనో
[మార్చు]16. అనపేక్షః శుచిర్దక్ష ఉదాసీనో గతవ్యథః | సర్వారంభపరిత్యాగీ యో మద్భక్తః స మే ప్రియః ||
అపేక్ష లేని వాడు, శుచియైన వాడు, దక్షత కలవాడు, ఉదాసీనుడు, వ్యధలు నశించిన వాడు, అన్ని విధాలైన, కార్యాలలలో నేను చేస్తున్నాననే భావం లేనివాడు అయిన భక్తుడు నాకు ప్రియుడు.
యో న హృష్యతి న ద్వేష్టి
[మార్చు]17. యో న హృష్యతి న ద్వేష్టి న శోచతి న కాంక్షతి | శుభాశుభపరిత్యాగీ భక్తిమాన్ యః స మే ప్రియః ||
ఎవడు సంతోషించడో, ద్వేషించడో, శోకించడో, కాంక్షించడో , శుభాశుభాలను వదిలేస్తాడో అలాంటి భక్తుడు నాకు ప్రియుడు.
సమః శత్రౌ చ మిత్రే చ
[మార్చు]18. సమః శత్రౌ చ మిత్రే చ తథా మానాపమానయోః | శీతోష్ణసుఖదుఃఖేషు సమః సంగవివర్జితః ||
శత్రువులు, మిత్రులు, మానావమానాలు, శీతోష్ణాలు, సుఖదుఃఖాలు వీటియందు సమంగా ఉండే వాడు సంగాన్ని విడిచే వాడు(నాకు ఇష్టుడు)
తుల్యనిన్దాస్తుతిర్మౌనీ
[మార్చు]19. తుల్యనిందాస్తుతిర్మౌనీ సంతుష్టో యేన కేనచిత్ | అనికేతః స్థిరమతిర్భక్తిమాన్మే ప్రియో నరః ||
నిందాస్తుతులను తుల్యంగా ఎంచేవాడు, మౌనంగా ఉండే వాడు, ఉన్నదానితో సంతృప్తి పడేవాడు, నికేతనం అక్కర లేని వాడు, స్థిరమైన బుద్ధి కల భక్తుడు నాకు ప్రియుడు.
యే తు ధర్మ్యామృతమిదం
[మార్చు]20. యే తు ధర్మ్యామృతమిదం యథోక్తం పర్యుపాసతే | శ్రద్ధధానా మత్పరమా భక్తాస్తేऽతీవ మే ప్రియాః ||
ధర్మయుక్తమూ, శాశ్వతమూ అయిన దీనిని చెప్పిన ప్రకారంగా శ్రద్ధతో, నన్ను లక్ష్యంగా పెట్టుకొని ఎవరు ఉపాసిస్తారో ఆభక్తులే నాకు పరమ ప్రియులు.
| భగవద్గీత - తెలుగు అనువాదము | సంస్కృత శ్లోకములు→ |