చూడరె చెలులారా యమునా దేవి

త్యాగరాజు కృతులు

అ • ఆ • ఇ • ఈ • ఉ • ఊ • ఋ • ౠ • ఎ • ఏ • ఐ • ఒ • ఓ • ఔ • అం • అః • క • ఖ • గ • ఘ • ఙ • చ • ఛ • జ • ఝ • ఞ • ట • ఠ • డ • ఢ • ణ • త • థ • ద • ధ • న • ప • ఫ • బ • భ • మ • య • ర • ల • వ • శ • ష • స • హ • ళ • ఱ

పల్లవి

చూడరే చెలులార యమునా దేవి

సొగసెల్ల సంతోషమున

చరణములు

ఎర్రని పంకేరుహములే అందు

యింపైన భృంగ నాదములే (చూడరే)

ఇసుక తిన్నెలెంత తెలుపే మేను

ఇంద్ర-నీలమువంటి నలుపే (చూడరే)

మెటికలు వజ్రంపు శిలలే అందు

కుటిలమైన చిన్ని యలలే (చూడరే)

హంసల రవళిచే చాల దేవి-

యదిగో చెలంగెనీ వేళ (చూడరే)

పొలతులార పొదరిండ్ళే తేనె-

లొలుకు ఖర్జూరపు పండ్ళే (చూడరే)

ఫలముచే ద్రాక్ష లతలే అందు

పచ్చని చిలుకల జతలే (చూడరే)

వింత వింత విరులు వాన మది-

కెంతెంతో మరులయ్యనే (చూడరే)

కోకిలములు మ్రోసెనే మరుడు

కుసుమ శరంబులేసెనే (చూడరే)

చల్లని మలయ మారుతమే కృష్ణ

స్వామిని కూడునది సతమే (చూడరే)

రాజ వదనలార కనరే

త్యాగరాజ సఖుని పాట వినరే (చూడరే)