నారాయణీయము/అష్టమ స్కంధము/31వ దశకము

వికీసోర్స్ నుండి
Jump to navigation Jump to search

||శ్రీమన్నారాయణీయము||
అష్టమ స్కంధము

31వ దశకము - బలిదర్పశమనము వర్ణనం

31-1-శ్లో.
ప్రీత్యా దైతస్తవతనుమహః ప్రేక్షణాత్ సర్వథా౾ పి
త్వామారాధ్యన్నజిత। రచయన్నంజలిం సంజగాద।
మత్తః కిం తే సమభిలషితం విప్రసూనో। వద త్వం
విత్తంభక్తం భవనమవనీం వా౾పి సర్వం ప్రదాస్యే॥
31-2-శ్లో.
తామక్షీణాం బలిగిరముపాకర్ణ్య కారుణ్యపూర్ణో౾
౾ప్యస్యోత్సేకం శమయితుమనా దైత్యవంశం ప్రశంశన్।
భూమిం పాదత్రయపరిమితాం ప్రార్ధయామాసిథ త్వం
సర్వం దేహితి తు నిగదితే కస్య హాస్యం న వా స్యాత్॥
31-3-శ్లో.
విశ్వేశం మాం త్రిపదమిహ కిం యాచసే బాలిశస్త్యం
సర్వాం భూమిం వృణు కిమమునేత్యాలపత్వాం స దృప్యన్।
యస్మాద్దర్పాత్ త్రిపదపరిపూర్త్యక్షమః క్షేపవాదాన్
బంధం చాసావగమదతదర్హో౾ పి గాఢోపశాంత్యై॥
31-4-శ్లో.
పాదత్రయ్యా యది న ముదితో విష్టపైర్నాపి తుష్యేత్
ఇత్యుక్తే౾స్మిన్ వరద। భవతే దాతుకామే౾థ తోయమ్।
దైత్యాచార్యస్తవ ఖిలు పరీక్షార్థినః ప్రేరణాత్ తం
మా మా దేయం హరిరయమితి వ్యక్తమేవాబభాషే॥
31-5-శ్లో.
యాచత్యేవం యది స భగవాన్ పూర్ణకామో౾స్మి సో౾హం
దాస్యామ్యేవ స్థిరమితి వదన్ కావ్యశస్తో౾పి దైత్యః।
వింధ్యావల్యా నిజదయితయా దత్తపాద్యాయ తుభ్యం
చిత్రంచిత్రం సకలమపి స ప్రార్పయత్ తోయపూర్వమ్॥
31-6-శ్లో.
నిస్సందేహం దితికులపతౌ త్వయ్యశేషార్పణం తత్
వ్యాతన్వానే ముముచుః ఋషయః సామరాః పుష్పవర్షమ్ ।
దివ్యం రూపం తవ చ తదిదం పశ్యతాం విశ్వభాజామ్
ఉచ్చైరుచ్యైరవృధదవధీకృత్య విశ్వాండభాండమ్॥
31-7-శ్లో.
త్వత్పాదాగ్రం నిజపదగతం పుండరీకోద్భవో౾సౌ
కుండీతోయైరసిచదపునాద్యజ్జలం విశ్వలోకాన్।
హర్షోత్కర్షాత్ సుబహు ననృతే ఖేచరైరుత్సవే౾స్మిన్
భేరీం నిఘ్నన్ భువనమచరజ్జాంబవాన్ భక్తిశాలీ॥
31-8-శ్లో.
తావద్దైత్యాస్త్వను మతిమృతే భర్తురారబ్ధయుద్ధాః
దేవోపేతైర్భవదనుచరైస్సంగతా భంగమాపన్।
కాలాత్మా౾యం వసతి పురతో యద్వశాత్ ప్రాగ్ జితాస్మ్సః
కిం వో యుద్ధైరితి బలిగిరా తే౾థ పాతాళమాపుః॥
31-9-శ్లో.
పాశ్చర్బద్ధం పతగపతినా దైత్యముచ్చైరవాదీః
తార్తీయీకం దిశ మమ పదం కిం న విశ్వేశ్వరో౾సి।
పాదం మూర్ధ్ని ప్రణయ భగవన్నిత్యకంపం వదంతం
ప్రహ్లాదస్తం స్వయముపగతో మానయన్నస్తవీత్త్వామ్॥
31-10-శ్లో.
దర్పోచ్ఛిత్త్యై విహితమఖిలం దైత్య। సిద్ధో౾సి పుణ్యైః
లోకస్తే౾స్తు త్రిదివవిజయీ వాసవత్వం చ పశ్చాత్।
మత్సాయుజ్యం భజ చ పునరిత్యన్వగృహ్ణా బలిం తమ్।
విప్రైస్సంతానితమఖవరః పాహి వాతాలయేశ।
అష్టమ స్కంధము
31వ దశకము సమాప్తము.
-x-
 

Lalitha53 (చర్చ) 16:21, 9 మార్చి 2018 (UTC)