శుక్ల యజుర్వేదము - అధ్యాయము 4
| ←ముందరి అధ్యాయము | శుక్ల యజుర్వేదము (శుక్ల యజుర్వేదము - అధ్యాయము 4) | తరువాతి అధ్యాయము→ |
ఏదమగన్మ దేవయజనం పృథివ్యా యత్ర దేవాసో అజుషన్త విశ్వే |
ఋక్సామాభ్యా సంతరన్తో యజుర్భీ రాయస్పోషేణ సమిషా మదేమ |
ఇమా ఆపః శము మే సన్తు దేవీః |
ఓషధే త్రాయస్వ |
స్వధితే మైనఁ హిఁసీః ||
ఆపో అస్మాన్మాతరః శున్ధయన్తు ఘృతేన నో ఘృతప్వః పునన్తు |
విశ్వఁ హి రిప్రం ప్రవహన్తి దేవీః |
ఉదిదాభ్యః శుచిరా పూత ఏమి |
దీక్షాతపసోస్తనూరసి తం త్వా శివాఁ శగ్మాం పరి దధే భద్రం వర్ణం
పుష్యన్ ||
మహీనాం పయో సి వర్చోదా అసి వర్చో మే దేహి |
వృత్రస్యాసి కనీనకశ్చక్షుర్దా అసి చక్షుర్మే దేహి ||
చిత్పతిర్మా పునాతు |
వాక్పతిర్మా పునాతు |
దేవో మా సవితా పునావచ్ఛిద్రేణ పవిత్రేణ సూర్యస్య రశ్మిభిః |
తస్య తే పవిత్రపతే పవిత్రపూతస్య యత్కామః పునే తచ్ఛకేయమ్ ||
ఆ వో దేవాస ఈమహే వామం ప్రయత్యధ్వరే |
ఆ వో దేవాస ఆశిషో యజ్ఞియాసో హవామహే ||
స్వాహా యజ్ఞం మనసః |
స్వాహోరోరన్తరిక్షాత్ |
స్వాహా ద్యావాపృథివీభ్యామ్ |
స్వాహా వాతాదా రభే స్వాహా ||
ఆకూత్యై ప్రయుజే గ్నయే స్వాహా మేధాయై మనసే గ్నయే స్వాహా
దీక్షాయై తపసే గ్నయే స్వాహా సరస్వత్యై పూష్ణే గ్నయే స్వాహా ఆపో
దేవీర్బృహతీర్విశ్వశమ్భువో ద్యావాపృథివీ ఉరో అన్తరిక్ష |
బృహస్పతయే హవిషా విధేమ స్వాహా ||
విశ్వో దేవస్య నేతుర్మర్తో వురీత సఖ్యమ్ |
విశ్వో రాయ ఇషుధ్యతి ద్యుమ్నం వృణీత పుష్యసే స్వాహా ||
ఋక్సామయోః శిల్పే స్థస్తే వామా రభే తే మా పాతమాస్య
యజ్ఞస్యోదృచః |
శర్మాసి శర్మ మే యచ్ఛ నమస్తే అస్తు మా మా హిఁసీః ||
ఊర్గస్యాఙ్గిరస్యూర్ణమ్రదా ఊర్జం మయి ధేహి |
సోమస్య నీవిరసి |
విష్ణోః శర్మాసి శర్మ యజమానస్య |
ఇన్ద్రస్య యోనిరసి |
సుసస్యాః కృషీస్కృధి |
ఉచ్ఛ్రయస్వ వనస్పత ఊర్ధ్వో మా పాహ్యఁహస ఆస్య యజ్%స్యుదృచః ||
వ్రతం కృణుతాగ్నిర్బ్రహ్మాగ్నిర్యజ్ఞో వనస్పతిర్యజ్ఞియః |
దైవీం ధియం మనామహే సుమృడీకామభిష్టయే వర్చోధాం యజ్ఞవాహసఁ
సుతీర్థా నో అసద్వశే |
యే దేవా మనోజాతా మనోయుజో దక్షక్రతవస్తే నో వన్తు తే నః
పాన్తు తేభః స్వాహా ||
శ్వాత్రాః పీతా భవత యూయమాపో అస్మాకమన్తరుదరే సుశేవాః |
తా అస్మభ్యమయక్ష్మా అనమీవా అనాగసః స్వదన్తు దేవీరమృతా
ఋతావృధః ||
ఇయం తే యజ్ఞియా తనూః |
అపో ముఞ్చామి న ప్రజామ్ |
అఁహోముచః స్వాహాకృతాః పృథివీమావిశత |
పృథివ్యా సంభవ ||
అగ్నే త్వఁ సు జాగృహి వయఁ సు మన్దిషీమహి |
రక్షా ణో అప్రయుచ్ఛన్ప్రబుధే నః పునస్కృధి ||
పునర్మనః పునరాయుర్మ ఆగన్పునః ప్రాణః పునరాత్మా మ
ఆగన్పునశ్చక్షుః పునః శ్రోత్రం మ ఆగన్ |
వైశ్వానరో అదబ్ధస్తనూపా అగ్నిర్నః పాతు దురితాదవద్యాత్ ||
త్వమగ్నే వ్రతపా అసి దేవ ఆ మర్త్యేష్వా త్వం యజ్ఞేష్వీడ్యః |
రాస్వేయత్సోమా భూయో భర దేవో నః సవితా వసోర్దాతా వస్వదాత్ ||
ఏషా తే శుక్ర తనూరేతద్వర్చస్తయా సం భవ భ్రాజం గచ్ఛ |
జూరసి ధృతా మనసా జుష్టా విష్ణవే ||
తస్యాస్తే సత్యసవసః ప్రసవే తన్వో యన్త్రమశీయ స్వాహా |
శుక్రమసి చన్ద్రమస్యమృతమసి వైశ్వదేవమసి ||
చిదసి మనాసి ధీరసి దక్షిణాసి క్షత్రియాసి
యజ్ఞియాస్యదితిరస్యుభయతఃశీర్ష్ణీ |
సా నః సుప్రాచీ సుప్రతీచ్యేధి మిత్రస్త్వా పది బధ్నీతాం
పూషాధ్వనస్పాత్విన్ద్రాయాధ్యక్షాయ ||
అను త్వా మాతా మన్యతామను పితాను భ్రాతా సగర్భ్యో ను సఖా
సయూథ్యః |
సా దేవి దేవమచ్ఛేహీన్ద్రాయ సోమఁ రుద్రస్త్వా వర్తయతు స్వస్తి
సోమ్సఖా పునరేహి ||
వస్వ్యస్యదితిరస్యాదిత్యాసి రుద్రాసి చన్ద్రాసి |
బృహస్పతిష్ట్వా సుమ్నే రమ్ణాతు రుద్రో వసుభిరా చకే ||
అదిత్యాస్త్వా మూర్ధన్నా జిఘర్మి దేవయజనే పృథివ్యా
ఇడాయాస్పదమసి ఘృతవత్స్వాహా |
అస్మే రమస్వ |
అస్మే తే బన్ధుః |
త్వే రాయః |
మే రాయః |
మా వయఁ రాయస్పోషేణ వి యౌష్మ |
తోతో రాయః ||
సమఖ్యే దేవ్యా ధియా సం దక్షిణయోరుచక్షసా |
మా మ ఆయుః ప్ర మోషీర్మో అహం తవ |
వీరం విదేయ తవ దేవి సందృశి ||
ఏష తే గాయత్రో భాగ ఇతి మే సోమాయ బ్రూతాదేష తే త్రైష్టుభో భాగ ఇతి
మే సోమాయ బ్రూతాదేష తే జాగతో భాగ ఇతి మే సోమాయ బ్రూతాచ్ఛన్దోనామానాఁ
సామ్రాజ్యం గచ్ఛేతి మే సోమాయ బ్రూతాత్ |
ఆస్మాకో సి శుక్రస్తే గ్రహ్యో విచితస్త్వా వి చిన్వన్తు ||
అభి త్యం దేవఁ సవితారమోణ్యోః కవిక్రతుమర్చామి సత్యసవఁ
రత్నధామభి ప్రియం మతిం కవిమ్ |
ఊర్ధ్వా యస్యామతిర్భా అదిద్యుతత్సవీమని హిరణ్యపాణిరమిమీత
సుక్రతుః కృపా స్వః |
ప్రజాభ్యస్త్వా |
ప్రజాస్త్వానుప్రాణన్తు ప్రజాస్త్వమనుప్రాణిహి ||
శుక్రం త్వా శుక్రేణ క్రీణామి చన్ద్రం చన్ద్రేణామృతమమృతేన |
సగ్మే తే గోః |
అస్మే తే చన్ద్రాణి |
తపసస్తనూరసి ప్రజాపతేర్వర్ణః పరమేణ పశునా క్రీయసే
సహస్రపోషం పుషేయమ్ ||
మిత్రో న ఏహి సుమిత్రధః |
ఇన్ద్రస్యోరుమా విశ దక్షిణముశన్నుశన్తఁ స్యోనః స్యోనమ్ |
స్వాన భ్రాజాఙ్ఘారే బమ్భారే హస్త సుహస్త కృశానో |
ఏతే వః సోమక్రయణాస్తాన్రక్షధ్వం మా వో దభన్ ||
పరి మాగ్నే దుశ్చరితాద్బాధస్వా మా సుచరితే భజ |
ఉదాయుషా స్వాయుషోదస్థామమృతాఁ అను ||
ప్రతి పన్థామపద్మహి స్వస్తిగామనేహసమ్ |
యేన విశ్వాః పరి ద్విషో వృణక్తి విన్దతే వసు ||
అదిత్యాస్త్వగసి |
అదిత్యై సద ఆ సీద |
అస్తభ్నాద్ద్యాం వృషభో అన్తరిక్షమమిమీత వరిమాణం పృథివ్యాః |
ఆసీదద్విశ్వా భువనాని సమ్రాడ్విశ్వేత్తాని వరుణస్య వ్రతాని ||
వనేషు వ్యన్తరిక్షం తతాన వాజమర్వత్సు పయ ఉస్రియాసు |
హృత్సు క్రతుం వరుణో విక్ష్వగ్నిం దివి సూర్యమదధాత్సోమమద్రౌ ||
సూర్యస్య చక్షురారోహాగ్నేరక్ష్ణః కనీనకమ్ |
యత్రైత్రశేభిరీయసే భ్రాజమానో విపశ్చితా ||
ఉస్రావేతం ధూర్షాహౌ యుజ్యేథామనశ్రూ అవీరహణౌ బ్రహ్మచోదనౌ |
స్వస్తి యజమానస్య గృహాన్గచ్ఛతమ్ ||
భద్రో మే సి ప్రచ్యవస్వ భువస్పతే విశ్వాన్యభి ధామాని |
మా త్వా పరిపరిణో విదన్మా త్వా పరిపన్థినో విదన్మా వృకా
అఘాయవో విదన్ |
శ్యేనో భూత్వా పరా పత యజమానస్య గృహాన్గచ్ఛ తన్నౌ సఁస్కృతమ్ ||
నమో మిత్రస్య వరుణస్య చక్షసే మహో దేవాయ తదృతఁ సపర్యత |
దూరేదృశే దేవజాతాయ కేతవే దివస్పుత్రాయ సూర్యాయ శఁసత ||
వరుణస్యోత్తమ్భనమసి |
వరుణస్య స్కమ్భసర్జనీ స్థః |
వరుణస్య ఋతసదన్యసి వరుణస్య ఋతసదనమసి |
వరుణస్య ఋతసదనమా సీద ||
యా తే ధామాని హవిషా యజన్తి తా తే విశ్వా పరిభూరస్తు యజ్ఞమ్ |
గయస్పానః ప్రతరణః సువీరో వీరహా ప్రచరా సోమ దుర్యాన్ ||
| ←ముందరి అధ్యాయము | శుక్ల యజుర్వేదము | తరువాతి అధ్యాయము→ |