శుక్ల యజుర్వేదము - అధ్యాయము 5
| ←ముందరి అధ్యాయము | శుక్ల యజుర్వేదము (శుక్ల యజుర్వేదము - అధ్యాయము 5) | తరువాతి అధ్యాయము→ |
అగ్నేస్తనూరసి విష్ణవే త్వా సోమస్య తనూరసి విష్ణవే
త్వాతిథేరాతిథ్యమసి విష్ణవే శ్యేనాయ త్వా సోమభృతే విష్ణవే త్వాగ్నయే త్వా
రాయస్పోషదే విష్ణవే త్వా ||
అగ్నేర్జనిత్రమసి |
వృషణౌ స్థః |
ఉర్వశ్యసి |
ఆయురసి |
పురూరవా అసి |
గాయత్రేణ త్వా ఛన్దసా మన్థామి |
త్రైష్టుభేన త్వా ఛన్దసా మన్థామి |
జాగతేన త్వా ఛన్దసా మన్థామి ||
భవతం నః సమనసౌ సచేతసావరేపసౌ |
మా యజ్ఞఁ హిఁసిష్టం మా యజ్ఞపతిం జాతవేదసౌ శివౌ భవతమద్య నః ||
అగ్నావగ్నిశ్చరతి ప్రవిష్ట ఋషీణాం పుత్రో అభిశస్తిపావా |
స నః స్యోనః సుయజా యజేహ దేవేభ్యో హవ్యఁ
సదమప్రయుచ్ఛన్త్స్వాహా ||
ఆపతయే త్వా పరిపతయే గృహ్ణామి తనూనప్త్ర్యే శాక్వరాయ శక్వన
ఓజిష్ఠాయ |
అనాధృష్టమస్యనాధృష్యం దేవానామోజో నభిశస్త్యభిశస్తిపా
అనభిశస్తేన్యమఞ్జసా సత్యముప గేషఁ స్వితే మా ధాః ||
అగ్నే వ్రతపాస్త్వే వ్రతపా యా తవ తనూరియఁ సా మయి యో మమ
తనూరేషా సా త్వయి |
సహ నౌ వ్రతపతే వ్రతాన్యను మే దీక్షాం దీక్షాపతిర్మన్యతామను
తపస్తపస్పతిః ||
అఁశుర్-అఁశుష్టే దేవ సోమాప్యాయతామిన్ద్రాయైకధనవిదే |
ఆ తుభ్యమిన్ద్రః ప్యాయతామా త్వమిన్ద్రాయ ప్యాయస్వ |
ఆ ప్యాయయాస్మాన్త్సఖీన్త్సన్యా మేధయా స్వస్తి తే దేవ సోమ
సుత్యామశీయ |
ఏష్టా రాయః ప్రేషే భగాయ ఋతమృతవాదిభ్యో నమో
ద్యావాపృథివీభ్యామ్ ||
యా తే అగ్నే యఃశయా తనూర్వర్షిష్ఠా గహ్వరేష్ఠా |
ఉగ్రం వచో అపావధీత్త్వేషం వచో అపావధీత్స్వాహా |
యా తే అగ్నే రజఃశయా తనూర్వర్షిష్ఠా గహ్వరేష్ఠా |
ఉగ్రం వచో అపావధీత్త్వేషం వచో అపావధీత్స్వాహా |
యా తే అగ్నే హరిశయా తనూర్వర్షిష్ఠా గహ్వరేష్ఠా |
ఉగ్రం వచో అపావధీత్త్వేషం వచో అపావధీత్స్వాహా ||
తప్తాయనీ మే సి |
విత్తాయనీ మే సి |
అవతాన్మా నాథితాత్ |
అవతాన్మా వ్యథితాత్ |
విదేదగ్నిర్నభో నామ |
అగ్నే అఙ్గిర ఆయునా నామ్నేహి |
యో స్యాం పృథివ్యామసి యత్తే నాధృష్టం నామ యజ్ఞియం తేన త్వా
దధే |
విదేదగ్నిర్నభో నామ |
అగ్నే అఙ్గిర ఆయునా నామ్నేహి |
యో ద్వితీయస్యాం పృథివ్యామసి యత్తే నాధృష్టం నామ యజ్ఞియం
తేన త్వా దధే |
విదేదగ్నిర్నభో నామ |
అగ్నే అఙ్గిర ఆయునా నామ్నేహి |
యస్తృతీయస్యాం పృథివ్యామసి యత్తే నాధృష్టం నామ యజ్ఞియం తేన
త్వా దధే |
అను త్వా దేవవీతయే ||
సిఁహ్యసి సపత్నసాహీ దేవేభ్యః కల్పస్వ |
సిఁహ్యసి సపత్నసాహీ దేవేభ్యః శున్ధస్వ |
సిఁహ్యసి సపత్నసాహీ దేవేభ్యః శుమ్భస్వ ||
ఇన్ద్రఘోషస్త్వా వసుభిః పురస్తాత్పాతు |
ప్రచేతాస్త్వా రుద్రైః పశ్చాత్పాతు |
మనోజవాస్త్వా పితృభిర్దక్షిణతః పాతు |
విశ్వకర్మా త్వాదిత్యైరుత్తరతః పాతు |
ఇదమహం తప్తం వార్బహిర్ధా యజ్ఞాన్నిః సృజామి ||
సిఁహ్యసి స్వాహా |
సిఁహ్యస్యాదిత్యవనిః స్వాహా |
సిఁహ్యసి బ్రహ్మవనిః క్షత్రవనిః స్వాహా |
సిఁహ్యసి సుప్రజావనీ రాయస్పోషవనిః స్వాహా |
సిఁహ్యస్యావహ దేవాన్యజమానాయ స్వాహా |
భూతేభ్యస్త్వా ||
ధ్రువో సి పృథివీం దృఁహ |
ధ్రువక్షిదస్యన్తరిక్షం దృఁహ |
అచ్యుతక్షిదసి దివం దృఁహ |
అగ్నేః పురీషమసి ||
యుఞ్జతే మన ఉత యుఞ్జతే ధియో విప్రా విప్రస్య బృహతో
విపశ్చితః |
వి హోత్రా దధే వయునావిదేక ఇన్మహీ దేవస్య సవితుః పరిష్టుతిః
స్వాహా ||
ఇదం విష్ణుర్విచక్రమే త్రేధా ని దధే పదమ్ |
సమూఢమస్య పాఁసరే స్వాహా ||
ఉరావతీ ధేనుమతీ హి భూతఁ సూయవసినీ మనవే దశస్యా |
వ్యస్కభ్నా రోదసీ విష్ణవేతే దాధర్థ పృథివీమభితో మయూఖైః
స్వాహా ||
దేవశ్రుతౌ దేవేష్వా ఘోషతమ్ |
ప్రాచీ ప్రేతమధ్వరం కల్పయన్తీ ఊర్ధ్వం యజ్ఞం నయతం మా జిహ్వరతమ్ |
స్వం గోష్ఠమా వదతం దేవీ దుర్యే ఆయుర్మా నిర్వాదిష్టం ప్రజాం మా
నిర్వాదిష్టమ్ |
అత్ర రమేథాం వర్ష్మన్పృథివ్యాః ||
విష్ణోర్ను కం వీర్యాణి ప్ర వోచం యః పార్థివాని విమమే రజాఁసి |
యో అస్కభాయదుత్తరఁ సధస్థం విచక్రమాణస్త్రేధోరుగాయః |
విష్ణవే త్వా ||
దివో వా విష్ణ ఉత వా పృథివ్యా మహో వా విష్ణ ఉరోరన్తరిక్షాత్ |
ఉభా హి హస్తా వసునా పృణస్వా ప్రయచ్ఛ దక్షిణాదోత సవ్యాత్ |
విష్ణవే త్వా ||
ప్ర తద్విష్ణు స్తవతే వీర్యేణ మృగో న భీమః కుచరో గిరిష్ఠాః |
యస్యోరుషు త్రిషు విక్రమణేష్వధిక్షియన్తి భువనాని విశ్వా ||
విష్ణో రరాటమసి |
విష్ణోః శ్నప్త్రే స్థః |
విష్ణోః స్యూరసి |
విష్ణోర్ధ్రువో సి |
వైష్ణవమసి విష్ణవే త్వా ||
దేవస్య త్వా సవితుః ప్రసవే శ్వినోర్బాహుభ్యాం పూష్ణో
హస్తాభ్యామ్ |
ఆ దదే నార్యసి |
ఇదమహఁ రక్షసాం గ్రీవా అపికృన్తామి |
బృహన్నసి బృహద్రవా బృహతీమిన్ద్రాయ వాచం వద ||
రక్షోహణం వలగహనం వైష్ణవీమ్ |
ఇదమహం తం వలగముత్కిరామి యం మే నిష్ట్యో యమమాత్యో నిచఖాన |
ఇదమహం తం వలగముత్కిరామి యం మే సమానో యమసమానో నిచఖాన |
ఇదమహం తం వలగముత్కిరామి యం మే సబన్ధుర్యమసబన్ధుర్నిచఖాన |
ఇదమహం తం వలగముత్కిరామి యం మే సజాతో యమసజాతో నిచఖాన |
ఉత్కృత్యాం కిరామి ||
స్వరాడసి |
సత్రరాడస్యభిమాతిహా |
జనరాడసి రక్షోహా |
సర్వరాడస్యమిత్రహా ||
రక్షోహణో వో వలగహనః ప్రోక్షామి వైష్ణవాన్ |
రక్షోహణో వో వలగహనో వ నయామి వైష్ణవాన్ |
రక్షోహణో వో వలగహనో వ స్తృణామి వైష్ణవాన్ |
రక్షోహణౌ వాం వలగహనా ఉప దధామి వైష్ణవీ |
రక్షోహణౌ త్వా వలగహనౌ పర్యూహామి వైష్ణవీ |
వైష్ణవమసి |
వైష్ణవా స్థ ||
దేవస్య త్వా సవితుః ప్రసవే శ్వినోర్బాహుభ్యాం పూష్ణో
హస్తాభ్యామ్ |
ఆ దదే నార్యసి |
ఇదమహఁ రక్షసాం గ్రీవా అపి కృన్తామి |
యవో సి యవయాస్మద్ద్వేషో యవయారాతీః |
దివే త్వాన్తరిక్షాయ త్వా పృథివ్యై త్వా |
శున్ధన్తాం లోకాః పితృషదనాః |
పితృషదనమసి ||
ఉద్దివఁ స్తభానాన్తరిక్షం పృణ దృఁహస్వ పృథివ్యామ్ |
ద్యుతానాస్త్వా మారుతో మినోతు మిత్రావరుణౌ ధ్రువేణ ధర్మణా |
బ్రహ్మవని త్వా క్షత్రవని త్వా రాయస్పోషవని పర్యూహామి |
బ్రహ్మ దృఁహ క్షత్రం దృఁహాయుర్దృఁహ ప్రజాం దృఁహ ||
ధ్రువాసి ధ్రువో యం యజమానో స్మిన్నాయతనే ప్రజయా
పశుభిర్భూయాత్ |
ఘృతేన ద్యావాపృథివీ పూర్యేథామ్ |
ఇన్ద్రస్య ఛదిరసి విశ్వజనస్య ఛాయా ||
పరి త్వా గిర్వణో గిర ఇమా భవన్తు విశ్వతః |
వృద్ధాయుమను వృద్ధయో జుష్టా భవన్తు జుష్టయః ||
ఇన్ద్రస్య స్యూరసి |
ఇన్ద్రస్య ధ్రువో సి |
అैన్ద్రమసి |
వైశ్వదేవమసి ||
విభూరసి ప్రవాహణః |
వహ్నిరసి హవ్యవాహనః |
శ్వాత్రో సి ప్రచేతాః |
తుథో సి విశ్వవేదాః ||
ఉశిగసి కవిః |
అఙ్ఘారిరసి బమ్భారిః |
అవస్యూరసి దువస్వాన్ |
శున్ధ్యూరసి మార్జాలీయః |
సమ్రాడసి కృశానుః |
పరిషద్యో సి పవమానః |
నభో సి ప్రతక్వా |
మృష్టో సి హవ్యసూదనః |
ఋతధామాసి స్వర్జ్యోతిః ||
సముద్రో సి విశ్వవ్యచాః |
అజో స్యేకపాత్ |
అహిరసి బుధ్న్యః |
వాగస్‌ఐన్ద్రమసి సదో సి |
ఋతస్య ద్వారౌ మా మా సంతాప్తమ్ |
అధ్వనామధ్వపతే ప్ర మా తిర స్వస్తి మే స్మిన్పథి దేవయానే
భూయాత్ ||
మిత్రస్య మా చక్షుషేక్షధ్వమ్ |
అగ్నయః సగరాః సగరా స్థ సగరేణ నామ్నా రౌద్రేణానీకేన పాత
మాగ్నయః పిపృత మాగ్నయో గోపాయత మా నమో వో స్తు మా మా హిఁసిష్ట ||
జ్యోతిరసి విశ్వరూపం విశ్వేషాం దేవానాఁ సమిత్ |
త్వఁ సోమ తనూకృద్భ్యో ద్వేషోభ్యో న్యకృతేభ్య ఉరు యన్తాసి
వరూథఁ స్వాహా |
జుషాణో అప్తురాజ్యస్య వేతు స్వాహా ||
అగ్నే నయ సుపథా రాయ అస్మాన్విశ్వాని దేవ వయునాని విద్వాన్ |
యుయోధ్యస్మజ్జుహురాణమేనో భూయిష్ఠాం తే నమఉక్తిం విధేమ ||
అయం నో అగ్నిర్వరివస్కృణోత్వయం మృధః పుర ఏతు ప్రభిన్దన్ |
అయం వాజాన్జయతు వాజసాతావయఁ శత్రూన్జయతు జర్హృషాణః స్వాహా ||
ఉరు విష్ణో వి క్రమస్వోరు క్షయాయ నస్కృధి |
ఘృతం ఘృతయోనే పిబ ప్ర-ప్ర యజ్ఞపతిం తిర స్వాహా ||
దేవ సవితరేష తే సోమస్తఁ రక్షస్వ మా త్వా దభన్ |
ఏతత్త్వం దేవ సోమ దేవో దేవాఁ ఉపాగా ఇదమహం మనుష్యాన్త్సహ
రాయస్పోషేణ |
స్వాహా నిర్వరుణస్య పాశాన్ముచ్యే ||
అగ్నే వ్రతపాస్త్వే వ్రతపా యా తవ తనూర్మయ్యభూదేషా సా త్వయి యో
మమ తనూస్త్వయ్యభూదేషా సా మయి |
యథాయథం నౌ వ్రతపతే వ్రతాన్యను మే దీక్షాం దీక్షాపతిరమఁస్తాను
తపస్తపస్పతిః ||
ఉరు విష్ణో వి క్రమస్వోరు క్షయాయ నస్కృధి |
ఘృతం ఘృతయోనే పిబ ప్ర-ప్ర యజ్ఞపతిం తిర స్వాహా ||
అత్యన్యాఁ అగాం నాన్యాఁ ఉపాగామర్వాక్త్వా పరేభ్యో విదం పరో
వరేభ్యః |
తం త్వా జుషామహే దేవ వనస్పతేదేవయజ్యాయై దేవాస్త్వా
దేవయజ్యాయై జుషన్తాం విష్ణవే త్వా |
ఓషధే త్రాయస్వ |
స్వధితే మైనఁ హిఁసీః ||
ద్యాం మా లేఖీరన్తరిక్షం మా హిఁసీః పృథివ్యా సం భవ |
అయఁ హి త్వా స్వధితిస్తేతిజానః ప్రణినాయ మహతే సౌభగాయ |
అతస్త్వం దేవ వనస్పతే శతవల్శో వి రోహ సహస్రవల్శా వి వయఁ రుహేమ ||
| ←ముందరి అధ్యాయము | శుక్ల యజుర్వేదము | తరువాతి అధ్యాయము→ |