శుక్ల యజుర్వేదము - అధ్యాయము 3
| ←ముందరి అధ్యాయము | శుక్ల యజుర్వేదము (శుక్ల యజుర్వేదము - అధ్యాయము 3) | తరువాతి అధ్యాయము→ |
సమిధాగ్నిం దువస్యత ఘృతైర్బోధయతాతిథిమ్ |
ఆస్మిన్హవ్యా జుహోతన ||
సుసమిద్ధాయ శోచిషే ఘృతం తీవ్రం జుహోతన |
అగ్నయే జాతవేదసే ||
తం త్వా సమిద్భిరఙ్గిరో ఘృతేన వర్ధయామసి |
బృహచ్ఛోచా యవిష్ట్య ||
ఉప త్వాగ్నే హవిష్మతీర్ఘృతాచీర్యన్తు హర్యత |
జుషస్వ సమిధో మమ ||
భూర్భువః స్వః |
ద్యౌరివ భూమ్నా పృథివీవ వరిమ్ణా |
తస్యాస్తే పృథివి దేవయజని పృష్ఠే గ్నిమన్నాదమన్నాద్యాయా దధే ||
ఆయం గౌః పృశ్నిరక్రమీదసదన్మాతరం పురః |
పితరం చ ప్రయన్త్స్వః ||
అన్తశ్చరతి రోచనాస్య ప్రాణాదపానతీ |
వ్యఖ్యన్మహిషో దివమ్ ||
త్రిఁశద్ధామ వి రాజతి వాక్పతఙ్గాయ ధీయతే |
ప్రతి వస్తోరహ ద్యుభిః ||
అగ్నిర్జ్యోతిర్జ్యోతిరగ్నిః స్వాహా |
సూర్యో జ్యోతిర్జ్యోతిః సూర్యః స్వాహా |
అగ్నిర్వర్చో జ్యోతిర్వర్చః స్వాహా |
సూర్యో వర్చో జ్యోతిర్వర్చః స్వాహా |
జ్యోతిః సూర్యః సూర్యో జ్యోతిః స్వాహా ||
సజూర్దేవేన సవిత్రా సజూ రాత్ర్యేన్ద్రవత్యా |
జుషాణో అగ్నిర్వేతు స్వాహా |
సజూర్దేవేన సవిత్రా సజూ ఉషసేన్ద్రవత్యా |
జుషాణః సూర్యో వేతు స్వాహా ||
ఉపప్రయన్తో అధ్వరం మన్త్రం వోచేమాగ్నయే |
ఆరే అస్మే చ శృణ్వతే ||
అగ్నిర్మూర్ధా దివః కకుత్పతిః పృథివ్యా అయమ్ |
అపాఁ రేతాఁసి జిన్వతి ||
ఉభా వామిన్ద్రాగ్నీ ఆహువధ్యా ఉభా రాధసః సహ మాదయధ్యై |
ఉభా దాతారావిషాఁ రయీణాముభా వాజస్య సాతయే హువే వామ్ ||
అయం తే యోనిరృత్వియో యతో జాతో అరోచథాః |
తం జానన్నగ్న ఆరోహాథా నో వర్ధయా రయిమ్ ||
అయమిహ ప్రథమో ధాయి ధాతృభిర్హోతా యజిష్ఠో అధ్వరేష్వీడ్యః |
యమప్నవానో భృగవో విరురుచుర్వనేషు చిత్రం విభ్వం విశే-విశే ||
అస్య ప్రత్నామను ద్యుతఁ శుక్రం దుదుహ్రే అహ్రయః |
పయః సహస్రసామృషిమ్ ||
తనూపా అగ్నే సి తన్వం మే పాహి |
ఆయుర్దా అగ్నే స్యాయుర్మే దేహి |
వర్చోదా అగ్నే సి వర్చో మే దేహి |
అగ్నే యన్మే తన్వా ఊనం తన్మే ఆ పృణ ||
ఇన్ధానాస్త్వా శతఁ హిమా ద్యుమన్తఁ సమిధీమహి |
వయస్వన్తో వయస్కృతఁ సహస్వన్తః సహస్కృతమ్ |
అగ్నే సపత్నదమ్భనమదబ్ధాసో అదాభ్యమ్ |
చిత్రావసో స్వస్తి తే పారమశీయ ||
సం త్వమగ్నే సూర్యస్య వర్చసాగథాః సమృషీణాఁ స్తుతేన |
సం ప్రియేణ ధామ్నా సమహమాయుషా సం వర్చసా సం ప్రజయా సఁ
రాయస్పోషేణ గ్మిషీయ ||
అన్ధ స్థాన్ధో వో భక్షీయ మహ స్థ మహో వో భక్షీయోర్జ స్థోర్జం వో
భక్షీయ రాయస్పోష స్థ రాయస్పోషం వో భక్షీయ ||
రేవతీ రమధ్వమస్మిన్యోనావస్మిన్గోష్ఠే స్మింల్లోకే
స్మిన్క్షయే |
ఇహైవ స్త మాపగాత ||
సఁహితాసి విశ్వరూప్యూర్జా మావిశ గౌపత్యేన |
ఉప త్వాగ్నే దివే-దివే దోషావస్తర్ధియా వయమ్ |
నమో భరన్త ఏమసి ||
రాజన్తమధ్వరాణాం గోపామృతస్య దీదివిమ్ |
వర్ధమాణఁ స్వే దమే ||
స నః పితేవ సూనవే గ్నే సూపాయనో భవ |
సచస్వా నః స్వస్తయే ||
అగ్నే త్వం నో అన్తమ ఉత త్రాతా శివో భవా వరూథ్యః |
వసురగ్నిర్వసుశ్రవా అచ్ఛానక్షి ద్యుమత్తమఁ రయిం దాః ||
తం త్వా శోచిష్ఠ దీదివః సుమ్నాయ నూనమీమహే సఖిభ్యః |
స నో బోధి శ్రుధీ హవమురుష్యా ణో అధాయతః సమస్మాత్ ||
ఇడ ఏహ్యదిత ఏహి |
కామ్యా ఏత |
మయి వః కామధరణం భూయాత్ ||
సోమానఁ స్వరణం కృణుహి బ్రహ్మణస్పతే |
కక్షీవన్తం య ఔశిజః ||
యో రేవాన్యో అమీవహా వసువిత్పుష్టివర్ధనః |
స నః సిషక్తు యస్తురః ||
మా నః శఁసో అరరుషో ధూర్తిః ప్ర ణఙ్నర్త్యస్య |
రక్షా ణో బ్రహ్మణస్పతే ||
మహి త్రీణామవో స్తు ద్యుక్షం మిత్రస్యార్యమ్ణః |
దురాధర్షం వరుణస్య ||
నహి తేషామమా చన నాధ్వసు వారణేషు |
ఈశే రిపురఘశఁసః ||
తే హి పుత్రాసో అదితేః ప్ర జీవసే మర్త్యాయ |
జ్యోతిర్యచ్ఛన్త్యజస్రమ్ ||
కదా చన స్తరీరసి నేన్ద్ర సశ్చసి దాశుషే |
ఉపోపేన్ను మఘవన్భూయ ఇన్ను తే దానం దేవస్య పృచ్యతే ||
తత్సవితుర్వరేణ్యం భర్గో దేవస్య ధీమహి |
ధియో యో నః ప్రచోదయత్ ||
పరి తే దూడభో రథో స్మాఁ అశ్నోతు విశ్వతః |
యేన రక్షసి దాశుషః ||
భూర్భువః స్వః సుప్రజాః ప్రజాభి స్యాఁ సువీరో వీరైః సుపోషః
పోషైః |
నర్య ప్రజాం మే పాహి |
శఁస్య పశూన్మే పాహి |
అథర్య పితుం మే పాహి ||
ఆగన్మ విశ్వవేదసమస్మభ్యం వసువిత్తమమ్ |
అగ్నే సమ్రాడభి ద్యుమ్నమభి సహ ఆ యచ్ఛస్వ ||
అయమగ్నిర్గృహపతిర్గార్హపత్యః ప్రజాయా వసువిత్తమః |
అగ్నే గృహపతే భి ద్యుమ్నమభి సహ ఆ యచ్ఛస్వ ||
అయమగ్నిః పురీష్యో రయిమాన్పుష్టివర్ధనః |
అగ్నే పురీష్యాభి ద్యుమ్నమభి సహ ఆ యచ్ఛస్వ ||
గృహా మా బిభీత మా వేపధ్వమూర్జం బిభ్రత ఏమసి |
ఊర్జం బిభ్రద్వః సుమనాః సుమేధా గృహాఐమి మనసా మోదమానః ||
యేషామధ్యేతి ప్రవసన్యేషు సౌమనసో బహుః |
గృహానుప హ్వయామహే తే నో జానన్తు జానతః ||
ఉపహూతా ఇహ గావ ఉపహూతా అజావయః |
అథో అన్నస్య కీలాల ఉపహూతో గృహేషు నః |
క్షేమాయ వః శాన్త్యై ప్ర పద్యే శివఁ శగ్మఁ శమ్యోః శమ్యోః ||
ప్రఘాసినో హవామహే మరుతశ్చ రిశాదసః |
కరమ్భేణ సజోషసః ||
యద్గ్రామే యదరణ్యే యత్సభాయాం యదిన్ద్రియే |
యదేనశ్చకృమా వయమిదం తదవ యజామహే స్వాహా ||
మో షూ ణ ఇన్ద్రాత్ర పృత్సు దేవైరస్తి హి ష్మా తే శుష్మిన్నవయాః |
మహశ్చిద్యస్య మీఢుషో యవ్యా హవిష్మతో మరుతో వన్దతే గీః ||
అక్రన్కర్మ కర్మకృతః సహ వాచా మయోభువా |
దేవేభ్యః కర్మ కృత్వాస్తం ప్రేత సచాభువః ||
అవభృథ నిచుమ్పుణ నిచేరురసి నిచుమ్పుణః |
అవ దేవైర్దేవకృతమేనో యాసిషమవ మర్త్యైర్మర్త్యకృతమ్ |
పురురావ్ణో దేవ రిషస్పాహి ||
పూర్ణా దర్వి పరా పత సుపూర్ణా పునరా పత |
వస్నేవ వి క్రీణావహా ఇషమూర్జఁ శతక్రతో ||
దేహి మే దదామి తే ని మే ధేహి ని తే దధే |
నిహారం చ హరాసి మే నిహారం నిహరాణి తే స్వాహా ||
అక్షన్నమీమదన్త హ్యవ ప్రియా అభూషత |
అస్తోషత స్వభానవో విప్రా నివిష్ఠయా మతీ యోజా న్విన్ద్ర తే
హరీ ||
సుసందృశం త్వా వయం మఘవన్వన్దిషీమహి |
ప్ర నూనం పూర్ణబన్ధుర స్తుతో యాసి వశాఁ అను యోజా న్విన్ద్ర తే
హరీ ||
మనో న్వాహ్వమహే నారాశఁసేన స్తోమేన |
పితౄణాం చ మన్మభిః ||
ఆ న ఏతు మనః పునః క్రత్వే దక్షాయ హవిషే |
జ్యోక్చ సూర్యం దృశే ||
పునర్నః పితరో మనో దదాతు దైవ్యో జనః |
జీవం వ్రాతఁ సచేమహి ||
వయఁ సోమ వ్రతే తవ మనస్తనూషు బిభ్రతః |
ప్రజావన్తః సచేమహి ||
ఏష తే రుద్ర భాగః సహ స్వస్రామ్బికయా తం జుషస్వ స్వాహా |
ఏష తే రుద్ర భాగ ఆఖుస్తే పశుః ||
అవ రుద్రమదీమహ్యవ దేవం త్ర్యమ్బకమ్ |
యథా నో వస్యసస్కరద్యద్యథా నః శ్రేయసస్కరద్యద్యథా నో
వ్యవసాయయాత్ ||
భేషజమసి భేషజం గవే శ్వాయ పురుషాయ భేషజమ్ |
సుఖం మేషాయ మేష్యై ||
త్ర్యమ్బకం యజామహే సుగన్ధిం పుష్టివర్ధనమ్ |
ఉర్వారుకమివ బన్ధనాన్మృత్యోర్ముక్షీయ మామృతాత్ |
త్ర్యమ్బకం యజామహే సుగన్ధిం పతివేదనమ్ |
ఉర్వారుకమివ బన్ధనాదితో ముక్షీయ మాముతః ||
ఏతత్తే రుద్రావసం తేన పరో మూజవతో తీహి |
అవతతధన్వా పినాకావసః కత్తివాసా అహిఁసన్నః శివో తీహి ||
త్ర్యాయుషం జమదగ్నేః కశ్యపస్య త్ర్యాయుషమ్ |
యద్దేవేషు త్ర్యాయుషం తన్నో అస్తు త్ర్యాయుషమ్ ||
శివో నామాసి స్వధితిస్తే పితా నమస్తే అస్తు మా మా హిఁసీః |
ని వర్తయామ్యుషే న్నాద్యాయ ప్రజననాయ రాయస్పోషాయ
సుప్రజాస్త్వాయ సువీర్యాయ ||
| ←ముందరి అధ్యాయము | శుక్ల యజుర్వేదము | తరువాతి అధ్యాయము→ |