శుక్ల యజుర్వేదము - అధ్యాయము 2

వికీసోర్స్ నుండి
శుక్ల యజుర్వేదము (శుక్ల యజుర్వేదము - అధ్యాయము 2)


  
కృష్ణో స్యాఖరేష్ఠో గ్నయే త్వా జుష్టం ప్రోక్షామి |
వేదిరసి బర్హిషే త్వా జుష్టాం ప్రోక్షామి |
బర్హిరసి స్రుగ్భ్యస్త్వా జుష్టం ప్రోక్షామి ||

  
అదిత్యై వ్యున్దనమసి |
విష్ణో స్తుపో సి |
ఊర్ణమ్రదసం త్వా స్తృణామి స్వాసస్థాం దేవేభ్యః |
భువపతయే స్వాహా |
భువనపతయే స్వాహా |
భూతానాం పతయే స్వాహా ||

  
గన్ధర్వస్త్వా విశ్వావసుః పరి దధాతు విశ్వస్యారిష్ట్యై
యజమానస్య పరిధిరస్యగ్నిరిడ ఈడితః |
ఇన్ద్రస్య బాహురసి దక్షిణో విశ్వావసుః పరి దధాతు
విశ్వస్యారిష్ట్యై యజమానస్య పరిధిరస్యగ్నిరిడ ఈడితః |
మిత్రావరుణౌ త్వోత్తరతః పరి ధత్తాం ధ్రువేణ ధర్మణా
విశ్వస్యారిష్ట్యై యజమానస్య పరిధిరస్యగ్నిరిడ ఈడితః ||

  
వీతిహోత్రం త్వా కవే ద్యుమన్తఁ సమిధీమహి |
అగ్నే బృహన్తమధ్వరే ||

  
సమిదసి |
సూర్యస్త్వా పురస్తాత్పాతు కస్యాశ్చిదభిశస్త్యై |
సవితుర్బాహూ స్థః |
ఊర్ణమ్రదసం త్వా స్తృణామి స్వాసస్థం దేవేభ్యః |
ఆ త్వా వసవో రుద్రా ఆదిత్యాః సదన్తు ||

  
ఘృతాచ్యసి జుహూర్నామ్నా సేదం ప్రియేణ ధామ్నా ప్రియఁ సద ఆ సీద |
ఘృతాచ్యస్యుపభృన్నామ్నా సేదం ప్రియేణ ధామ్నా ప్రియఁ సద ఆ సీద |
ఘృతాచ్యసి ధ్రువా నామ్నా సేదం ప్రియేణ ధామ్నా ప్రియఁ సద ఆ సీద |
ప్రియేణ ధామ్నా ప్రియఁ సద ఆ సీద |
ధ్రువా అసదన్నృతస్య యోనౌ తా విష్ణో పాహి |
పాహి యజ్ఞం |
పాహి యజ్ఞపతిమ్ |
పాహి మాం యజ్ఞన్యమ్ ||

  
అగ్నే వాజజిద్వాజం త్వా సరిష్యన్తం వాజజితఁ సం మార్జ్మి |
నమో దేవేభ్యః |
స్వధా పితృభ్యః |
సుయమే మే భూయాస్తమ్ ||

  
అస్కన్నమద్య దేవేభ్య ఆజ్యఁ సం భ్రియాసమ్ |
అఙ్ఘ్రిణా విష్ణో మా త్వావ క్రమిషమ్ |
వసుమతీమగ్నే తే ఛాయాముప స్థేషం విష్ణో స్థానమసి |
ఇత ఇన్ద్రో వీర్యమకృణోదూర్ధ్వో ధ్వర ఆస్థాత్ ||

  
అగ్నే వేర్హోత్రం వేర్దూత్యమ్ |
అవతాం త్వాం ద్యావాపృథివీ |
అవ త్వం ద్యావాపృథివీ స్విష్టకృద్దేవేభ్యో ఇన్ద్ర ఆజ్యేన
హవిషా భూత్స్వాహా |
సం జ్యోతిషా జ్యోతిః ||

  
మయీదమిన్ద్ర ఇన్ద్రియం దధాత్వస్మాన్రాయో మఘవానఁ సచన్తామ్ |
అస్మాకఁ సన్త్వాశిషః సత్యా నః సన్త్వాశిషః |
ఉపహ్నుతా పృథివీ మాతోప మాం పృథివీ మాతా హ్వయతామ్ |
అగ్నిరాగ్నీధ్రాత్స్వాహా ||

  
ఉపహూతో ద్యౌష్పితోప మాం ద్యౌష్పితా
హ్వయతామగ్నిరాగ్నీధ్రాత్స్వాహా |
దేవస్య త్వా సవితుః ప్రసవే శ్వినోర్బాహుభ్యాం పూష్ణో
హస్తాభ్యామ్ |
ప్రతి గృహ్ణామి |
అగ్నేష్ట్వాస్యేన ప్రాశ్నామి ||

  
ఏతం తే దేవ సవితర్యజ్ఞం ప్రాహుర్బృహస్పతయే బ్రహ్మణే |
తేన యజ్ఞమవ తేన యజ్ఞపతిం తేన మామవ ||

  
మనో జూతిర్జుషతామాజ్యస్య బృహస్పతిర్యజ్ఞమిమం తనోతు |
అరిష్టం యజ్ఞఁ సమిమం దధాతు విశ్వే దేవాస ఇహ మాదయన్తామోం ప్ర తిష్ఠ ||

  
ఏషా తే అగ్నే సమిత్తయా వర్ధస్వ చా చ ప్యాయస్వ |
వర్ధిషీమహి చ వయమా చ ప్యాసిషీమహి |
అగ్నే వాజజిద్వాజం త్వా ససృవాఁసం వాజజితఁ సం మార్జ్మి ||

  
అగ్నీషోమయోరుజ్జితిమనూజ్జేషం వాజస్య మా ప్రసవేన ప్రోహామి |
అగ్నీషోమౌ తమప నుదతాం యో ऽస్మాన్ద్వేష్టి యం చ వయం ద్విష్మో
వాజస్యైనం ప్రసవేనాపోహామి |
ఇన్ద్రాగ్న్యోరుజ్జితిమనూజ్జేషం వాజస్య మా ప్రసవేన ప్రోహామి |

ఇన్ద్రాగ్నీ తమప నుదతాం యో( స్మాన్ద్వేష్టి యం చ వయం ద్విష్మో
వాజస్యైనం ప్రసవేనాపోహామి ||

  
వసుభ్యస్త్వా |
రుద్రేభ్యస్త్వా |
ఆదిత్యేభ్యస్త్వా |
సం జానాథాం ద్యావాపృథివీ |
మిత్రావరుణౌ త్వా వృష్ట్యావతామ్ |
వ్యన్తు వయో క్తఁ రిహాణాః |
మరుతాం పృషతీర్గచ్ఛ వశా పృశ్నిర్భూత్వా దివం గచ్ఛ తతో నో
వృష్టిమా వహ |
చక్షుష్పా అగ్నే సి చక్షుర్మే పాహి ||

  
యం పరిధిం పర్యధత్థా అగ్నే దేవ పాణిభిర్గుహ్యమానః |
తం త ఏతమను జోషం భరామ్య్నేత్త్వదపచేతయాతై |
అగ్నేః ప్రియం పాథో పీతమ్ ||

  
సఁస్రవభాగా స్థేషా బృహన్తః ప్రస్తరేష్ఠాః పరిధేయాశ్చ దేవాః |
ఇమాం వాచమభి విశ్వే గృణన్త ఆసద్యాస్మిన్బర్హిషి మాదయధ్వమ్ |
స్వాహా వాట్ ||

  
ఘృతాచీ స్థో ధుర్యౌ పాతఁ సుమ్నే స్థః సుమ్నే మా ధత్తమ్ |
యజ్ఞ నమశ్చ త ఉప చ యజ్ఞస్య శివే సం తిష్ఠస్వ స్విష్టే మే
సంతిష్ఠస్వ ||


అగ్నే దబ్ధాయో శీతమ పాహి మా దిద్యోః |
పాహి ప్రసిత్యై |
పాహి దురిష్ట్యై |
పాహి దురద్మన్యా అవిషం నః పితుం కృణు |
సుషదా యోనౌ స్వాహా వాట్ |
అగ్నయే సంవేశపతయే స్వాహా |
సరస్వత్యై యశోభగిన్యై స్వాహా ||

  
వేదో సి యేన త్వం దేవ వేద దేవేభ్యో వేదో భవస్తేన మహ్యం వేదో
భూయాః |
దేవా గాతువిదో గాతుం విత్త్వా గాతుమిత |
మనసస్పత ఇమం దేవ యజ్ఞఁ స్వాహా వాతే ధాః ||

  
సం బర్హిరఙ్క్తాఁ హవిషా ఘృతేన సమాదిత్యైర్వసుభిః సం
మరుద్భిః |
సమిన్ద్రో విశ్వదేవేభిరఙ్క్తాం దివ్యం నభో గచ్ఛతు యత్స్వాహా ||

  
కస్త్వా వి ముఞ్చతి స త్వా వి ముఞ్చతి కస్మై త్వా వి ముఞ్చతి
తస్మై త్వా వి ముఞ్చతి |
పోషాయ |
రక్షసాం భాగో సి ||

  
సం వర్చసా పయసా సం తనూభిరగన్మహి మనసా సఁ శివేన |
త్వష్టా సుదత్రో వి దధాతు రాయో నుమార్ష్టి తన్వో
యద్విలిష్టమ్ ||

  
దివి విష్ణుర్వ్యక్రఁస్త జాగతేన ఛన్దసా తతో నిర్భక్తో యో
స్మాన్ద్వేష్టి యం చ వయం ద్విష్మః |
అన్తరిక్షే విష్ణుర్వ్యక్రఁస్త జాగతేన ఛన్దసా తతో నిర్భక్తో
యో స్మాన్ద్వేష్టి యం చ వయం ద్విష్మః |
పృథివ్యాం విష్ణుర్వ్యక్రఁస్త జాగతేన ఛన్దసా తతో నిర్భక్తో
యో స్మాన్ద్వేష్టి యం చ వయం ద్విష్మః |
అస్మాదన్నాత్ |
అస్యై ప్రతిష్ఠాయై |
అగన్మ స్వః |
సం జ్యోతిషాభూమ ||

  
స్వయమ్భూరసి శ్రేష్ఠో రశ్మిర్వర్చోదా అసి వర్చో మే దేహి |
సూర్యస్యావృతమన్వావర్తే ||


అగ్నే గృహపతే సుగృహపతిస్త్వయాగ్నే హం గృహపతినా భూయాసఁ
సుగృహపతిస్త్వం మయాగ్నే గృహపతినా భూయాః |
అస్థూరి ణౌ గార్హపత్యాని సన్తు శతఁ హిమాః |
సూర్యస్యావృతమన్వావర్తే ||

  
అగ్నే వ్రతపతే వ్రతమచారిషం తదశకం తన్మే రాధి |
ఇదమహం య ఏవాస్మి సో స్మి ||


అగ్నయే కవ్యవాహనాయ స్వాహా |
సోమాయ పితృమతే స్వాహా |
అపహతా అసురా రక్షాఁసి వేదిషదః ||

  
యే రూపాణి ప్రతిముఞ్చమానా అసురాః సన్తః స్వధయా చరన్తి |
పరాపురో నిపురో యే భరన్త్యగ్నిష్టాన్లోకాత్ప్ర
ణుదాత్యస్మాత్ ||

  
అత్ర పితరో మాదయధ్వం యథాభాగమా వృషాయధ్వమ్ |
అమీమదన్త పితరో యథాభాగమా వృషాయిషత ||


ఆ ధత్త పితరో గర్భం కుమారం పుష్కరస్రజమ్ |
యథేహ పురుషో సత్ ||

  
ఊర్జం వహన్తీరమృతం ఘృతం పయః కిలాలం పరిస్రుతమ్ |
స్వధా స్థ తర్పయత మే పితౄన్ ||


శుక్ల యజుర్వేదము