యెంకి పాటలు/ముత్యాలపేరు
ముత్యాలపేరు
అద్దములొ, నారాజ,
అంతనీరూపు!
ఇంత ముత్తెములోన
యిరికె నేలాగు?
ఇన్ని పొంకాలున్న యెంకివే నీవు!
ఇంత నాగుండెలో యిమిడిపోలేదా!
వోసూపె, వోరూపె,
వోనవ్వెరాజా
యిన్నింటి వోపాలె
యెటు సెదిరినాదో?
మాటలో, మనసులో, మంచిలో - యెంకి
సొగసు నీ వోసారె అగపడవ నాకూ?
అటు తిరగ విటుమసల
వామరమ మేటో!
ఆణిముత్తెములోన
ఆడిపోతావే?
కునుకల్లె, సినుకల్లె, కూకుండె యెంకీ!
కనబడకె మనసులో గంతు లేయవటే?