ఏను మీ వలెనే కంఠ మెత్తి పాడ
ఏను మీ వలెనే కంఠ మెత్తి పాడ
నెంతో యుబలాటపడి సవరింతు గొంతు;
ఏను మీ వలెనే న వానూన గాన
విస్తృత వ్యోమ యానాల వెడలి వెడలి
భావలో కాంచలమ్ముల వాల వలతు!
ఐన నే మాయె! ఆపుకోలేని పాట
యెడద రొదసేయునో లేదొ యింకిపోవు
నంతలోననే కటకటా! యంతులేని
దారిలేని శోకంపు టెడారు లందు!
అంత లజ్జా విషాద దురంత భార
వహనమున కోర్వ లేని యీ పాడు బ్రతుకు
వంగిపోవును మరిమరి క్రుంగిపోవు
లో తెరుంగని పాతాళ లోకములకు!
మూగవోయిన నాగళమ్మునను గూడ
నిదురవోయిన సెలయేటి రొదలు కలవు-
ఐన నే మాయె -