సాకముక్షో మర్జయన్త స్వసారో దశ ధీరస్య ధీతయో ధనుత్రీః |
హరిః పర్య్ అద్రవజ్ జాః సూర్యస్య ద్రోణం ననక్షే అత్యో న వాజీ || 9-093-01
సమ్ మాతృభిర్ న శిశుర్ వావశానో వృషా దధన్వే పురువారో అద్భిః |
మర్యో న యోషామ్ అభి నిష్కృతం యన్ సం గచ్ఛతే కలశ ఉస్రియాభిః || 9-093-02
ఉత ప్ర పిప్య ఊధర్ అఘ్న్యాయా ఇన్దుర్ ధారాభిః సచతే సుమేధాః |
మూర్ధానం గావః పయసా చమూష్వ్ అభి శ్రీణన్తి వసుభిర్ న నిక్తైః || 9-093-03
స నో దేవేభిః పవమాన రదేన్దో రయిమ్ అశ్వినం వావశానః |
రథిరాయతామ్ ఉశతీ పురంధిర్ అస్మద్ర్యగ్ ఆ దావనే వసూనామ్ || 9-093-04
నూ నో రయిమ్ ఉప మాస్వ నృవన్తమ్ పునానో వాతాప్యం విశ్వశ్చన్ద్రమ్ |
ప్ర వన్దితుర్ ఇన్దో తార్య్ ఆయుః ప్రాతర్ మక్షూ ధియావసుర్ జగమ్యాత్ || 9-093-05
