పరి సువానో హరిర్ అంశుః పవిత్రే రథో న సర్జి సనయే హియానః |
ఆపచ్ ఛ్లోకమ్ ఇన్ద్రియమ్ పూయమానః ప్రతి దేవాఅజుషత ప్రయోభిః || 9-092-01
అచ్ఛా నృచక్షా అసరత్ పవిత్రే నామ దధానః కవిర్ అస్య యోనౌ |
సీదన్ హోతేవ సదనే చమూషూపేమ్ అగ్మన్న్ ఋషయః సప్త విప్రాః || 9-092-02
ప్ర సుమేధా గాతువిద్ విశ్వదేవః సోమః పునానః సద ఏతి నిత్యమ్ |
భువద్ విశ్వేషు కావ్యేషు రన్తాను జనాన్ యతతే పఞ్చ ధీరః || 9-092-03
తవ త్యే సోమ పవమాన నిణ్యే విశ్వే దేవాస్ త్రయ ఏకాదశాసః |
దశ స్వధాభిర్ అధి సానో అవ్యే మృజన్తి త్వా నద్యః సప్త యహ్వీః || 9-092-04
తన్ ను సత్యమ్ పవమానస్యాస్తు యత్ర విశ్వే కారవః సంనసన్త |
జ్యోతిర్ యద్ అహ్నే అకృణోద్ ఉలోకమ్ ప్రావన్ మనుం దస్యవే కర్ అభీకమ్ || 9-092-05
పరి సద్మేవ పశుమాన్తి హోతా రాజా న సత్యః సమితీర్ ఇయానః |
సోమః పునానః కలశాఅయాసీత్ సీదన్ మృగో న మహిషో వనేషు || 9-092-06
