పరి ప్రియా దివః కవిర్ వయాంసి నప్త్యోర్ హితః |
సువానో యాతి కవిక్రతుః || 9-009-01
ప్ర-ప్ర క్షయాయ పన్యసే జనాయ జుష్టో అద్రుహే |
వీత్య్ అర్ష చనిష్ఠయా || 9-009-02
స సూనుర్ మాతరా శుచిర్ జాతో జాతే అరోచయత్ |
మహాన్ మహీ ఋతావృధా || 9-009-03
స సప్త ధీతిభిర్ హితో నద్యో అజిన్వద్ అద్రుహః |
యా ఏకమ్ అక్షి వావృధుః || 9-009-04
తా అభి సన్తమ్ అస్తృతమ్ మహే యువానమ్ ఆ దధుః |
ఇన్దుమ్ ఇన్ద్ర తవ వ్రతే || 9-009-05
అభి వహ్నిర్ అమర్త్యః సప్త పశ్యతి వావహిః |
క్రివిర్ దేవీర్ అతర్పయత్ || 9-009-06
అవా కల్పేషు నః పుమస్ తమాంసి సోమ యోధ్యా |
తాని పునాన జఙ్ఘనః || 9-009-07
నూ నవ్యసే నవీయసే సూక్తాయ సాధయా పథః |
ప్రత్నవద్ రోచయా రుచః || 9-009-08
పవమాన మహి శ్రవో గామ్ అశ్వం రాసి వీరవత్ |
సనా మేధాం సనా స్వః || 9-009-09
