ఇషుర్ న ధన్వన్ ప్రతి ధీయతే మతిర్ వత్సో న మాతుర్ ఉప సర్జ్య్ ఊధని |
ఉరుధారేవ దుహే అగ్ర ఆయత్య్ అస్య వ్రతేష్వ్ అపి సోమ ఇష్యతే || 9-069-01
ఉపో మతిః పృచ్యతే సిచ్యతే మధు మన్ద్రాజనీ చోదతే అన్తర్ ఆసని |
పవమానః సంతనిః ప్రఘ్నతామ్ ఇవ మధుమాన్ ద్రప్సః పరి వారమ్ అర్షతి || 9-069-02
అవ్యే వధూయుః పవతే పరి త్వచి శ్రథ్నీతే నప్తీర్ అదితేర్ ఋతం యతే |
హరిర్ అక్రాన్ యజతః సంయతో మదో నృమ్ణా శిశానో మహిషో న శోభతే || 9-069-03
ఉక్షా మిమాతి ప్రతి యన్తి ధేనవో దేవస్య దేవీర్ ఉప యన్తి నిష్కృతమ్ |
అత్య్ అక్రమీద్ అర్జునం వారమ్ అవ్యయమ్ అత్కం న నిక్తమ్ పరి సోమో అవ్యత || 9-069-04
అమృక్తేన రుశతా వాససా హరిర్ అమర్త్యో నిర్ణిజానః పరి వ్యత |
దివస్ పృష్ఠమ్ బర్హణా నిర్ణిజే కృతోపస్తరణం చమ్వోర్ నభస్మయమ్ || 9-069-05
సూర్యస్యేవ రశ్మయో ద్రావయిత్నవో మత్సరాసః ప్రసుపః సాకమ్ ఈరతే |
తన్తుం తతమ్ పరి సర్గాస ఆశవో నేన్ద్రాద్ ఋతే పవతే ధామ కిం చన || 9-069-06
సిన్ధోర్ ఇవ ప్రవణే నిమ్న ఆశవో వృషచ్యుతా మదాసో గాతుమ్ ఆశత |
శం నో నివేశే ద్విపదే చతుష్పదే ऽస్మే వాజాః సోమ తిష్ఠన్తు కృష్టయః || 9-069-07
ఆ నః పవస్వ వసుమద్ ధిరణ్యవద్ అశ్వావద్ గోమద్ యవమత్ సువీర్యమ్ |
యూయం హి సోమ పితరో మమ స్థన దివో మూర్ధానః ప్రస్థితా వయస్కృతః || 9-069-08
ఏతే సోమాః పవమానాస ఇన్ద్రం రథా ఇవ ప్ర యయుః సాతిమ్ అచ్ఛ |
సుతాః పవిత్రమ్ అతి యన్త్య్ అవ్యం హిత్వీ వవ్రిం హరితో వృష్టిమ్ అచ్ఛ || 9-069-09
ఇన్దవ్ ఇన్ద్రాయ బృహతే పవస్వ సుమృళీకో అనవద్యో రిశాదాః |
భరా చన్ద్రాణి గృణతే వసూని దేవైర్ ద్యావాపృథివీ ప్రావతం నః || 9-069-10
