ప్ర తే సోతార ఓణ్యో రసమ్ మదాయ ఘృష్వయే |
సర్గో న తక్త్య్ ఏతశః || 9-016-01
క్రత్వా దక్షస్య రథ్యమ్ అపో వసానమ్ అన్ధసా |
గోషామ్ అణ్వేషు సశ్చిమ || 9-016-02
అనప్తమ్ అప్సు దుష్టరం సోమమ్ పవిత్ర ఆ సృజ |
పునీహీన్ద్రాయ పాతవే || 9-016-03
ప్ర పునానస్య చేతసా సోమః పవిత్రే అర్షతి |
క్రత్వా సధస్థమ్ ఆసదత్ || 9-016-04
ప్ర త్వా నమోభిర్ ఇన్దవ ఇన్ద్ర సోమా అసృక్షత |
మహే భరాయ కారిణః || 9-016-05
పునానో రూపే అవ్యయే విశ్వా అర్షన్న్ అభి శ్రియః |
శూరో న గోషు తిష్ఠతి || 9-016-06
దివో న సాను పిప్యుషీ ధారా సుతస్య వేధసః |
వృథా పవిత్రే అర్షతి || 9-016-07
త్వం సోమ విపశ్చితం తనా పునాన ఆయుషు |
అవ్యో వారం వి ధావసి || 9-016-08
