ఏష ధియా యాత్య్ అణ్వ్యా శూరో రథేభిర్ ఆశుభిః |
గచ్ఛన్న్ ఇన్ద్రస్య నిష్కృతమ్ || 9-015-01
ఏష పురూ ధియాయతే బృహతే దేవతాతయే |
యత్రామృతాస ఆసతే || 9-015-02
ఏష హితో వి నీయతే ऽన్తః శుభ్రావతా పథా |
యదీ తుఞ్జన్తి భూర్ణయః || 9-015-03
ఏష శృఙ్గాణి దోధువచ్ ఛిశీతే యూథ్యో వృషా |
నృమ్ణా దధాన ఓజసా || 9-015-04
ఏష రుక్మిభిర్ ఈయతే వాజీ శుభ్రేభిర్ అంశుభిః |
పతిః సిన్ధూనామ్ భవన్ || 9-015-05
ఏష వసూని పిబ్దనా పరుషా యయివాఅతి |
అవ శాదేషు గచ్ఛతి || 9-015-06
ఏతమ్ మృజన్తి మర్జ్యమ్ ఉప ద్రోణేష్వ్ ఆయవః |
ప్రచక్రాణమ్ మహీర్ ఇషః || 9-015-07
ఏతమ్ ఉ త్యం దశ క్షిపో మృజన్తి సప్త ధీతయః |
స్వాయుధమ్ మదిన్తమమ్ || 9-015-08
