ప్ర నిమ్నేనేవ సిన్ధవో ఘ్నన్తో వృత్రాణి భూర్ణయః |
సోమా అసృగ్రమ్ ఆశవః || 9-017-01
అభి సువానాస ఇన్దవో వృష్టయః పృథివీమ్ ఇవ |
ఇన్ద్రం సోమాసో అక్షరన్ || 9-017-02
అత్యూర్మిర్ మత్సరో మదః సోమః పవిత్రే అర్షతి |
విఘ్నన్ రక్షాంసి దేవయుః || 9-017-03
ఆ కలశేషు ధావతి పవిత్రే పరి షిచ్యతే |
ఉక్థైర్ యజ్ఞేషు వర్ధతే || 9-017-04
అతి త్రీ సోమ రోచనా రోహన్ న భ్రాజసే దివమ్ |
ఇష్ణన్ సూర్యం న చోదయః || 9-017-05
అభి విప్రా అనూషత మూర్ధన్ యజ్ఞస్య కారవః |
దధానాశ్ చక్షసి ప్రియమ్ || 9-017-06
తమ్ ఉ త్వా వాజినం నరో ధీభిర్ విప్రా అవస్యవః |
మృజన్తి దేవతాతయే || 9-017-07
మధోర్ ధారామ్ అను క్షర తీవ్రః సధస్థమ్ ఆసదః |
చారుర్ ఋతాయ పీతయే || 9-017-08
