ఉపాస్మై గాయతా నరః పవమానాయేన్దవే |
అభి దేవాఇయక్షతే || 9-011-01
అభి తే మధునా పయో ऽథర్వాణో అశిశ్రయుః |
దేవం దేవాయ దేవయు || 9-011-02
స నః పవస్వ శం గవే శం జనాయ శమ్ అర్వతే |
శం రాజన్న్ ఓషధీభ్యః || 9-011-03
బభ్రవే ను స్వతవసే ऽరుణాయ దివిస్పృశే |
సోమాయ గాథమ్ అర్చత || 9-011-04
హస్తచ్యుతేభిర్ అద్రిభిః సుతం సోమమ్ పునీతన |
మధావ్ ఆ ధావతా మధు || 9-011-05
నమసేద్ ఉప సీదత దధ్నేద్ అభి శ్రీణీతన |
ఇన్దుమ్ ఇన్ద్రే దధాతన || 9-011-06
అమిత్రహా విచర్షణిః పవస్వ సోమ శం గవే |
దేవేభ్యో అనుకామకృత్ || 9-011-07
ఇన్ద్రాయ సోమ పాతవే మదాయ పరి షిచ్యసే |
మనశ్చిన్ మనసస్ పతిః || 9-011-08
పవమాన సువీర్యం రయిం సోమ రిరీహి నః |
ఇన్దవ్ ఇన్ద్రేణ నో యుజా || 9-011-09
