గౌర్ ధయతి మరుతాం శ్రవస్యుర్ మాతా మఘోనామ్ |
యుక్తా వహ్నీ రథానామ్ || 8-094-01
యస్యా దేవా ఉపస్థే వ్రతా విశ్వే ధారయన్తే |
సూర్యామాసా దృశే కమ్ || 8-094-02
తత్ సు నో విశ్వే అర్య ఆ సదా గృణన్తి కారవః |
మరుతః సోమపీతయే || 8-094-03
అస్తి సోమో అయం సుతః పిబన్త్య్ అస్య మరుతః |
ఉత స్వరాజో అశ్వినా || 8-094-04
పిబన్తి మిత్రో అర్యమా తనా పూతస్య వరుణః |
త్రిషధస్థస్య జావతః || 8-094-05
ఉతో న్వ్ అస్య జోషమ్ ఆఇన్ద్రః సుతస్య గోమతః |
ప్రాతర్ హోతేవ మత్సతి || 8-094-06
కద్ అత్విషన్త సూరయస్ తిర ఆప ఇవ స్రిధః |
అర్షన్తి పూతదక్షసః || 8-094-07
కద్ వో అద్య మహానాం దేవానామ్ అవో వృణే |
త్మనా చ దస్మవర్చసామ్ || 8-094-08
ఆ యే విశ్వా పార్థివాని పప్రథన్ రోచనా దివః |
మరుతః సోమపీతయే || 8-094-09
త్యాన్ ను పూతదక్షసో దివో వో మరుతో హువే |
అస్య సోమస్య పీతయే || 8-094-10
త్యాన్ ను యే వి రోదసీ తస్తభుర్ మరుతో హువే |
అస్య సోమస్య పీతయే || 8-094-11
త్యం ను మారుతం గణం గిరిష్ఠాం వృషణం హువే |
అస్య సోమస్య పీతయే || 8-094-12
