కన్యా వార్ అవాయతీ సోమమ్ అపి స్రుతావిదత్ |
అస్తమ్ భరన్త్య్ అబ్రవీద్ ఇన్ద్రాయ సునవై త్వా శక్రాయ సునవై త్వా || 8-091-01
అసౌ య ఏషి వీరకో గృహం-గృహం విచాకశద్ |
ఇమం జమ్భసుతమ్ పిబ ధానావన్తం కరమ్భిణమ్ అపూపవన్తమ్ ఉక్థినమ్ || 8-091-02
ఆ చన త్వా చికిత్సామో ऽధి చన త్వా నేమసి |
శనైర్ ఇవ శనకైర్ ఇవేన్ద్రాయేన్దో పరి స్రవ || 8-091-03
కువిచ్ ఛకత్ కువిత్ కరత్ కువిన్ నో వస్యసస్ కరత్ |
కువిత్ పతిద్విషో యతీర్ ఇన్ద్రేణ సంగమామహై || 8-091-04
ఇమాని త్రీణి విష్టపా తానీన్ద్ర వి రోహయ |
శిరస్ తతస్యోర్వరామ్ ఆద్ ఇదమ్ మ ఉపోదరే || 8-091-05
అసౌ చ యా న ఉర్వరాద్ ఇమాం తన్వమ్ మమ |
అథో తతస్య యచ్ ఛిరః సర్వా తా రోమశా కృధి || 8-091-06
ఖే రథస్య ఖే ऽనసః ఖే యుగస్య శతక్రతో |
అపాలామ్ ఇన్ద్ర త్రిష్ పూత్వ్య్ అకృణోః సూర్యత్వచమ్ || 8-091-07
