ఆ ప్ర ద్రవ పరావతో ऽర్వావతశ్ చ వృత్రహన్ |
మధ్వః ప్రతి ప్రభర్మణి || 8-082-01
తీవ్రాః సోమాస ఆ గహి సుతాసో మాదయిష్ణవః |
పిబా దధృగ్ యథోచిషే || 8-082-02
ఇషా మన్దస్వాద్ ఉ తే ऽరం వరాయ మన్యవే |
భువత్ త ఇన్ద్ర శం హృదే || 8-082-03
ఆ త్వ్ అశత్రవ్ ఆ గహి న్య్ ఉక్థాని చ హూయసే |
ఉపమే రోచనే దివః || 8-082-04
తుభ్యాయమ్ అద్రిభిః సుతో గోభిః శ్రీతో మదాయ కమ్ |
ప్ర సోమ ఇన్ద్ర హూయతే || 8-082-05
ఇన్ద్ర శ్రుధి సు మే హవమ్ అస్మే సుతస్య గోమతః |
వి పీతిం తృప్తిమ్ అశ్నుహి || 8-082-06
య ఇన్ద్ర చమసేష్వ్ ఆ సోమశ్ చమూషు తే సుతః |
పిబేద్ అస్య త్వమ్ ఈశిషే || 8-082-07
యో అప్సు చన్ద్రమా ఇవ సోమశ్ చమూషు దదృశే |
పిబేద్ అస్య త్వమ్ ఈశిషే || 8-082-08
యం తే శ్యేనః పదాభరత్ తిరో రజాంస్య్ అస్పృతమ్ |
పిబేద్ అస్య త్వమ్ ఈశిషే || 8-082-09
