యుక్ష్వా హి దేవహూతమాఅశ్వాఅగ్నే రథీర్ ఇవ |
ని హోతా పూర్వ్యః సదః || 8-075-01
ఉత నో దేవ దేవాఅచ్ఛా వోచో విదుష్టరః |
శ్రద్ విశ్వా వార్యా కృధి || 8-075-02
త్వం హ యద్ యవిష్ఠ్య సహసః సూనవ్ ఆహుత |
ఋతావా యజ్ఞియో భువః || 8-075-03
అయమ్ అగ్నిః సహస్రిణో వాజస్య శతినస్ పతిః |
మూర్ధా కవీ రయీణామ్ || 8-075-04
తం నేమిమ్ ఋభవో యథా నమస్వ సహూతిభిః |
నేదీయో యజ్ఞమ్ అఙ్గిరః || 8-075-05
తస్మై నూనమ్ అభిద్యవే వాచా విరూప నిత్యయా |
వృష్ణే చోదస్వ సుష్టుతిమ్ || 8-075-06
కమ్ ఉ ష్విద్ అస్య సేనయాగ్నేర్ అపాకచక్షసః |
పణిం గోషు స్తరామహే || 8-075-07
మా నో దేవానాం విశః ప్రస్నాతీర్ ఇవోస్రాః |
కృశం న హాసుర్ అఘ్న్యాః || 8-075-08
మా నః సమస్య దూఢ్యః పరిద్వేషసో అంహతిః |
ఊర్మిర్ న నావమ్ ఆ వధీత్ || 8-075-09
నమస్ తే అగ్న ఓజసే గృణన్తి దేవ కృష్టయః |
అమైర్ అమిత్రమ్ అర్దయ || 8-075-10
కువిత్ సు నో గవిష్టయే ऽగ్నే సంవేషిషో రయిమ్ |
ఉరుకృద్ ఉరు ణస్ కృధి || 8-075-11
మా నో అస్మిన్ మహాధనే పరా వర్గ్ భారభృద్ యథా |
సంవర్గం సం రయిం జయ || 8-075-12
అన్యమ్ అస్మద్ భియా ఇయమ్ అగ్నే సిషక్తు దుచ్ఛునా |
వర్ధా నో అమవచ్ ఛవః || 8-075-13
యస్యాజుషన్ నమస్వినః శమీమ్ అదుర్మఖస్య వా |
తం ఘేద్ అగ్నిర్ వృధావతి || 8-075-14
పరస్యా అధి సంవతో ऽవరాఅభ్య్ ఆ తర |
యత్రాహమ్ అస్మి తాఅవ || 8-075-15
విద్మా హి తే పురా వయమ్ అగ్నే పితుర్ యథావసః |
అధా తే సుమ్నమ్ ఈమహే || 8-075-16
