ఉద్ ఈరాథామ్ ఋతాయతే యుఞ్జాథామ్ అశ్వినా రథమ్ |
అన్తి షద్ భూతు వామ్ అవః || 8-073-01
నిమిషశ్ చిజ్ జవీయసా రథేనా యాతమ్ అశ్వినా |
అన్తి షద్ భూతు వామ్ అవః || 8-073-02
ఉప స్తృణీతమ్ అత్రయే హిమేన ఘర్మమ్ అశ్వినా |
అన్తి షద్ భూతు వామ్ అవః || 8-073-03
కుహ స్థః కుహ జగ్మథుః కుహ శ్యేనేవ పేతథుః |
అన్తి షద్ భూతు వామ్ అవః || 8-073-04
యద్ అద్య కర్హి కర్హి చిచ్ ఛుశ్రూయాతమ్ ఇమం హవమ్ |
అన్తి షద్ భూతు వామ్ అవః || 8-073-05
అశ్వినా యామహూతమా నేదిష్ఠం యామ్య్ ఆప్యమ్ |
అన్తి షద్ భూతు వామ్ అవః || 8-073-06
అవన్తమ్ అత్రయే గృహం కృణుతం యువమ్ అశ్వినా |
అన్తి షద్ భూతు వామ్ అవః || 8-073-07
వరేథే అగ్నిమ్ ఆతపో వదతే వల్గ్వ్ అత్రయే |
అన్తి షద్ భూతు వామ్ అవః || 8-073-08
ప్ర సప్తవధ్రిర్ ఆశసా ధారామ్ అగ్నేర్ అశాయత |
అన్తి షద్ భూతు వామ్ అవః || 8-073-09
ఇహా గతం వృషణ్వసూ శృణుతమ్ మ ఇమం హవమ్ |
అన్తి షద్ భూతు వామ్ అవః || 8-073-10
కిమ్ ఇదం వామ్ పురాణవజ్ జరతోర్ ఇవ శస్యతే |
అన్తి షద్ భూతు వామ్ అవః || 8-073-11
సమానం వాం సజాత్యం సమానో బన్ధుర్ అశ్వినా |
అన్తి షద్ భూతు వామ్ అవః || 8-073-12
యో వాం రజాంస్య్ అశ్వినా రథో వియాతి రోదసీ |
అన్తి షద్ భూతు వామ్ అవః || 8-073-13
ఆ నో గవ్యేభిర్ అశ్వ్యైః సహస్రైర్ ఉప గచ్ఛతమ్ |
అన్తి షద్ భూతు వామ్ అవః || 8-073-14
మా నో గవ్యేభిర్ అశ్వ్యైః సహస్రేభిర్ అతి ఖ్యతమ్ |
అన్తి షద్ భూతు వామ్ అవః || 8-073-15
అరుణప్సుర్ ఉషా అభూద్ అకర్ జ్యోతిర్ ఋతావరీ |
అన్తి షద్ భూతు వామ్ అవః || 8-073-16
అశ్వినా సు విచాకశద్ వృక్షమ్ పరశుమాఇవ |
అన్తి షద్ భూతు వామ్ అవః || 8-073-17
పురం న ధృష్ణవ్ ఆ రుజ కృష్ణయా బాధితో విశా |
అన్తి షద్ భూతు వామ్ అవః || 8-073-18
