ప్ర-ప్ర వస్ త్రిష్టుభమ్ ఇషమ్ మన్దద్వీరాయేన్దవే |
ధియా వో మేధసాతయే పురంధ్యా వివాసతి || 8-069-01
నదం వ ఓదతీనాం నదం యోయువతీనామ్ |
పతిం వో అఘ్న్యానాం ధేనూనామ్ ఇషుధ్యసి || 8-069-02
తా అస్య సూదదోహసః సోమం శ్రీణన్తి పృశ్నయః |
జన్మన్ దేవానాం విశస్ త్రిష్వ్ ఆ రోచనే దివః || 8-069-03
అభి ప్ర గోపతిం గిరేన్ద్రమ్ అర్చ యథా విదే |
సూనుం సత్యస్య సత్పతిమ్ || 8-069-04
ఆ హరయః ససృజ్రిరే ऽరుషీర్ అధి బర్హిషి |
యత్రాభి సంనవామహే || 8-069-05
ఇన్ద్రాయ గావ ఆశిరం దుదుహ్రే వజ్రిణే మధు |
యత్ సీమ్ ఉపహ్వరే విదత్ || 8-069-06
ఉద్ యద్ బ్రధ్నస్య విష్టపం గృహమ్ ఇన్ద్రశ్ చ గన్వహి |
మధ్వః పీత్వా సచేవహి త్రిః సప్త సఖ్యుః పదే || 8-069-07
అర్చత ప్రార్చత ప్రియమేధాసో అర్చత |
అర్చన్తు పుత్రకా ఉత పురం న ధృష్ణ్వ్ అర్చత || 8-069-08
అవ స్వరాతి గర్గరో గోధా పరి సనిష్వణత్ |
పిఙ్గా పరి చనిష్కదద్ ఇన్ద్రాయ బ్రహ్మోద్యతమ్ || 8-069-09
ఆ యత్ పతన్త్య్ ఏన్యః సుదుఘా అనపస్ఫురః |
అపస్ఫురం గృభాయత సోమమ్ ఇన్ద్రాయ పాతవే || 8-069-10
అపాద్ ఇన్ద్రో అపాద్ అగ్నిర్ విశ్వే దేవా అమత్సత |
వరుణ ఇద్ ఇహ క్షయత్ తమ్ ఆపో అభ్య్ అనూషత వత్సం సంశిశ్వరీర్ ఇవ || 8-069-11
సుదేవో అసి వరుణ యస్య తే సప్త సిన్ధవః |
అనుక్షరన్తి కాకుదం సూర్మ్యం సుషిరామ్ ఇవ || 8-069-12
యో వ్యతీఅఫాణయత్ సుయుక్తాఉప దాశుషే |
తక్వో నేతా తద్ ఇద్ వపుర్ ఉపమా యో అముచ్యత || 8-069-13
అతీద్ ఉ శక్ర ఓహత ఇన్ద్రో విశ్వా అతి ద్విషః |
భినత్ కనీన ఓదనమ్ పచ్యమానమ్ పరో గిరా || 8-069-14
అర్భకో న కుమారకో ऽధి తిష్ఠన్ నవం రథమ్ |
స పక్షన్ మహిషమ్ మృగమ్ పిత్రే మాత్రే విభుక్రతుమ్ || 8-069-15
ఆ తూ సుశిప్ర దమ్పతే రథం తిష్ఠా హిరణ్యయమ్ |
అధ ద్యుక్షం సచేవహి సహస్రపాదమ్ అరుషం స్వస్తిగామ్ అనేహసమ్ || 8-069-16
తం ఘేమ్ ఇత్థా నమస్విన ఉప స్వరాజమ్ ఆసతే |
అర్థం చిద్ అస్య సుధితం యద్ ఏతవ ఆవర్తయన్తి దావనే || 8-069-17
అను ప్రత్నస్యౌకసః ప్రియమేధాస ఏషామ్ |
పూర్వామ్ అను ప్రయతిం వృక్తబర్హిషో హితప్రయస ఆశత || 8-069-18
