స పూర్వ్యో మహానాం వేనః క్రతుభిర్ ఆనజే |
యస్య ద్వారా మనుష్ పితా దేవేషు ధియ ఆనజే || 8-063-01
దివో మానం నోత్ సదన్ సోమపృష్ఠాసో అద్రయః |
ఉక్థా బ్రహ్మ చ శంస్యా || 8-063-02
స విద్వాఅఙ్గిరోభ్య ఇన్ద్రో గా అవృణోద్ అప |
స్తుషే తద్ అస్య పౌంస్యమ్ || 8-063-03
స ప్రత్నథా కవివృధ ఇన్ద్రో వాకస్య వక్షణిః |
శివో అర్కస్య హోమన్య్ అస్మత్రా గన్త్వ్ అవసే || 8-063-04
ఆద్ ఊ ను తే అను క్రతుం స్వాహా వరస్య యజ్యవః |
శ్వాత్రమ్ అర్కా అనూషతేన్ద్ర గోత్రస్య దావనే || 8-063-05
ఇన్ద్రే విశ్వాని వీర్యా కృతాని కర్త్వాని చ |
యమ్ అర్కా అధ్వరం విదుః || 8-063-06
యత్ పాఞ్చజన్యయా విశేన్ద్రే ఘోషా అసృక్షత |
అస్తృణాద్ బర్హణా విపో ऽర్యో మానస్య స క్షయః || 8-063-07
ఇయమ్ ఉ తే అనుష్టుతిశ్ చకృషే తాని పౌంస్యా |
ప్రావశ్ చక్రస్య వర్తనిమ్ || 8-063-08
అస్య వృష్ణో వ్యోదన ఉరు క్రమిష్ట జీవసే |
యవం న పశ్వ ఆ దదే || 8-063-09
తద్ దధానా అవస్యవో యుష్మాభిర్ దక్షపితరః |
స్యామ మరుత్వతో వృధే || 8-063-10
బళ్ ఋత్వియాయ ధామ్న ఋక్వభిః శూర నోనుమః |
జేషామేన్ద్ర త్వయా యుజా || 8-063-11
అస్మే రుద్రా మేహనా పర్వతాసో వృత్రహత్యే భరహూతౌ సజోషాః |
యః శంసతే స్తువతే ధాయి పజ్ర ఇన్ద్రజ్యేష్ఠా అస్మాఅవన్తు దేవాః || 8-063-12
