సమిధాగ్నిం దువస్యత ఘృతైర్ బోధయతాతిథిమ్ |
ఆస్మిన్ హవ్యా జుహోతన || 8-044-01
అగ్నే స్తోమం జుషస్వ మే వర్ధస్వానేన మన్మనా |
ప్రతి సూక్తాని హర్య నః || 8-044-02
అగ్నిం దూతమ్ పురో దధే హవ్యవాహమ్ ఉప బ్రువే |
దేవాఆ సాదయాద్ ఇహ || 8-044-03
ఉత్ తే బృహన్తో అర్చయః సమిధానస్య దీదివః |
అగ్నే శుక్రాస ఈరతే || 8-044-04
ఉప త్వా జుహ్వో మమ ఘృతాచీర్ యన్తు హర్యత |
అగ్నే హవ్యా జుషస్వ నః || 8-044-05
మన్ద్రం హోతారమ్ ఋత్విజం చిత్రభానుం విభావసుమ్ |
అగ్నిమ్ ఈళే స ఉ శ్రవత్ || 8-044-06
ప్రత్నం హోతారమ్ ఈడ్యం జుష్టమ్ అగ్నిం కవిక్రతుమ్ |
అధ్వరాణామ్ అభిశ్రియమ్ || 8-044-07
జుషాణో అఙ్గిరస్తమేమా హవ్యాన్య్ ఆనుషక్ |
అగ్నే యజ్ఞం నయ ఋతుథా || 8-044-08
సమిధాన ఉ సన్త్య శుక్రశోచ ఇహా వహ |
చికిత్వాన్ దైవ్యం జనమ్ || 8-044-09
విప్రం హోతారమ్ అద్రుహం ధూమకేతుం విభావసుమ్ |
యజ్ఞానాం కేతుమ్ ఈమహే || 8-044-10
అగ్నే ని పాహి నస్ త్వమ్ ప్రతి ష్మ దేవ రీషతః |
భిన్ధి ద్వేషః సహస్కృత || 8-044-11
అగ్నిః ప్రత్నేన మన్మనా శుమ్భానస్ తన్వం స్వామ్ |
కవిర్ విప్రేణ వావృధే || 8-044-12
ఊర్జో నపాతమ్ ఆ హువే ऽగ్నిమ్ పావకశోచిషమ్ |
అస్మిన్ యజ్ఞే స్వధ్వరే || 8-044-13
స నో మిత్రమహస్ త్వమ్ అగ్నే శుక్రేణ శోచిషా |
దేవైర్ ఆ సత్సి బర్హిషి || 8-044-14
యో అగ్నిం తన్వో దమే దేవమ్ మర్తః సపర్యతి |
తస్మా ఇద్ దీదయద్ వసు || 8-044-15
అగ్నిర్ మూర్ధా దివః కకుత్ పతిః పృథివ్యా అయమ్ |
అపాం రేతాంసి జిన్వతి || 8-044-16
ఉద్ అగ్నే శుచయస్ తవ శుక్రా భ్రాజన్త ఈరతే |
తవ జ్యోతీంష్య్ అర్చయః || 8-044-17
ఈశిషే వార్యస్య హి దాత్రస్యాగ్నే స్వర్పతిః |
స్తోతా స్యాం తవ శర్మణి || 8-044-18
త్వామ్ అగ్నే మనీషిణస్ త్వాం హిన్వన్తి చిత్తిభిః |
త్వాం వర్ధన్తు నో గిరః || 8-044-19
అదబ్ధస్య స్వధావతో దూతస్య రేభతః సదా |
అగ్నేః సఖ్యం వృణీమహే || 8-044-20
అగ్నిః శుచివ్రతతమః శుచిర్ విప్రః శుచిః కవిః |
శుచీ రోచత ఆహుతః || 8-044-21
ఉత త్వా ధీతయో మమ గిరో వర్ధన్తు విశ్వహా |
అగ్నే సఖ్యస్య బోధి నః || 8-044-22
యద్ అగ్నే స్యామ్ అహం త్వం త్వం వా ఘా స్యా అహమ్ |
స్యుష్ టే సత్యా ఇహాశిషః || 8-044-23
వసుర్ వసుపతిర్ హి కమ్ అస్య్ అగ్నే విభావసుః |
స్యామ తే సుమతావ్ అపి || 8-044-24
అగ్నే ధృతవ్రతాయ తే సముద్రాయేవ సిన్ధవః |
గిరో వాశ్రాస ఈరతే || 8-044-25
యువానం విశ్పతిం కవిం విశ్వాదమ్ పురువేపసమ్ |
అగ్నిం శుమ్భామి మన్మభిః || 8-044-26
యజ్ఞానాం రథ్యే వయం తిగ్మజమ్భాయ వీళవే |
స్తోమైర్ ఇషేమాగ్నయే || 8-044-27
అయమ్ అగ్నే త్వే అపి జరితా భూతు సన్త్య |
తస్మై పావక మృళయ || 8-044-28
ధీరో హ్య్ అస్య్ అద్మసద్ విప్రో న జాగృవిః సదా |
అగ్నే దీదయసి ద్యవి || 8-044-29
పురాగ్నే దురితేభ్యః పురా మృధ్రేభ్యః కవే |
ప్ర ణ ఆయుర్ వసో తిర || 8-044-30
