<poem>
బభ్రుర్ ఏకో విషుణః సూనరో యువాఞ్జ్య్ అఙ్క్తే హిరణ్యయమ్ || 8-029-01
యోనిమ్ ఏక ఆ ససాద ద్యోతనో ऽన్తర్ దేవేషు మేధిరః || 8-029-02
వాశీమ్ ఏకో బిభర్తి హస్త ఆయసీమ్ అన్తర్ దేవేషు నిధ్రువిః || 8-029-03
వజ్రమ్ ఏకో బిభర్తి హస్త ఆహితం తేన వృత్రాణి జిఘ్నతే || 8-029-04
తిగ్మమ్ ఏకో బిభర్తి హస్త ఆయుధం శుచిర్ ఉగ్రో జలాషభేషజః || 8-029-05
పథ ఏకః పీపాయ తస్కరో యథాఏష వేద నిధీనామ్ || 8-029-06
త్రీణ్య్ ఏక ఉరుగాయో వి చక్రమే యత్ర దేవాసో మదన్తి || 8-029-07
విభిర్ ద్వా చరత ఏకయా సహ ప్ర ప్రవాసేవ వసతః || 8-029-08
సదో ద్వా చక్రాతే ఉపమా దివి సమ్రాజా సర్పిరాసుతీ || 8-029-09
అర్చన్త ఏకే మహి సామ మన్వత తేన సూర్యమ్ అరోచయన్ || 8-029-10
</poem>
