ఆ గన్తా మా రిషణ్యత ప్రస్థావానో మాప స్థాతా సమన్యవః |
స్థిరా చిన్ నమయిష్ణవః || 8-020-01
వీళుపవిభిర్ మరుత ఋభుక్షణ ఆ రుద్రాసః సుదీతిభిః |
ఇషా నో అద్యా గతా పురుస్పృహో యజ్ఞమ్ ఆ సోభరీయవః || 8-020-02
విద్మా హి రుద్రియాణాం శుష్మమ్ ఉగ్రమ్ మరుతాం శిమీవతామ్ |
విష్ణోర్ ఏషస్య మీళ్హుషామ్ || 8-020-03
వి ద్వీపాని పాపతన్ తిష్ఠద్ దుచ్ఛునోభే యుజన్త రోదసీ |
ప్ర ధన్వాన్య్ ఐరత శుభ్రఖాదయో యద్ ఏజథ స్వభానవః || 8-020-04
అచ్యుతా చిద్ వో అజ్మన్న్ ఆ నానదతి పర్వతాసో వనస్పతిః |
భూమిర్ యామేషు రేజతే || 8-020-05
అమాయ వో మరుతో యాతవే ద్యౌర్ జిహీత ఉత్తరా బృహత్ |
యత్రా నరో దేదిశతే తనూష్వ్ ఆ త్వక్షాంసి బాహ్వోజసః || 8-020-06
స్వధామ్ అను శ్రియం నరో మహి త్వేషా అమవన్తో వృషప్సవః |
వహన్తే అహ్రుతప్సవః || 8-020-07
గోభిర్ వాణో అజ్యతే సోభరీణాం రథే కోశే హిరణ్యయే |
గోబన్ధవః సుజాతాస ఇషే భుజే మహాన్తో న స్పరసే ను || 8-020-08
ప్రతి వో వృషదఞ్జయో వృష్ణే శర్ధాయ మారుతాయ భరధ్వమ్ |
హవ్యా వృషప్రయావ్ణే || 8-020-09
వృషణశ్వేన మరుతో వృషప్సునా రథేన వృషనాభినా |
ఆ శ్యేనాసో న పక్షిణో వృథా నరో హవ్యా నో వీతయే గత || 8-020-10
సమానమ్ అఞ్జ్య్ ఏషాం వి భ్రాజన్తే రుక్మాసో అధి బాహుషు |
దవిద్యుతత్య్ ఋష్టయః || 8-020-11
త ఉగ్రాసో వృషణ ఉగ్రబాహవో నకిష్ టనూషు యేతిరే |
స్థిరా ధన్వాన్య్ ఆయుధా రథేషు వో ऽనీకేష్వ్ అధి శ్రియః || 8-020-12
యేషామ్ అర్ణో న సప్రథో నామ త్వేషం శశ్వతామ్ ఏకమ్ ఇద్ భుజే |
వయో న పిత్ర్యం సహః || 8-020-13
తాన్ వన్దస్వ మరుతస్ తాఉప స్తుహి తేషాం హి ధునీనామ్ |
అరాణాం న చరమస్ తద్ ఏషాం దానా మహ్నా తద్ ఏషామ్ || 8-020-14
సుభగః స వ ఊతిష్వ్ ఆస పూర్వాసు మరుతో వ్యుష్టిషు |
యో వా నూనమ్ ఉతాసతి || 8-020-15
యస్య వా యూయమ్ ప్రతి వాజినో నర ఆ హవ్యా వీతయే గథ |
అభి ష ద్యుమ్నైర్ ఉత వాజసాతిభిః సుమ్నా వో ధూతయో నశత్ || 8-020-16
యథా రుద్రస్య సూనవో దివో వశన్త్య్ అసురస్య వేధసః |
యువానస్ తథేద్ అసత్ || 8-020-17
యే చార్హన్తి మరుతః సుదానవః స్మన్ మీళ్హుషశ్ చరన్తి యే |
అతశ్ చిద్ ఆ న ఉప వస్యసా హృదా యువాన ఆ వవృధ్వమ్ || 8-020-18
యూన ఊ షు నవిష్ఠయా వృష్ణః పావకాఅభి సోభరే గిరా |
గాయ గా ఇవ చర్కృషత్ || 8-020-19
సాహా యే సన్తి ముష్టిహేవ హవ్యో విశ్వాసు పృత్సు హోతృషు |
వృష్ణశ్ చన్ద్రాన్ న సుశ్రవస్తమాన్ గిరా వన్దస్వ మరుతో అహ || 8-020-20
గావశ్ చిద్ ఘా సమన్యవః సజాత్యేన మరుతః సబన్ధవః |
రిహతే కకుభో మిథః || 8-020-21
మర్తశ్ చిద్ వో నృతవో రుక్మవక్షస ఉప భ్రాతృత్వమ్ ఆయతి |
అధి నో గాత మరుతః సదా హి వ ఆపిత్వమ్ అస్తి నిధ్రువి || 8-020-22
మరుతో మారుతస్య న ఆ భేషజస్య వహతా సుదానవః |
యూయం సఖాయః సప్తయః || 8-020-23
యాభిః సిన్ధుమ్ అవథ యాభిస్ తూర్వథ యాభిర్ దశస్యథా క్రివిమ్ |
మయో నో భూతోతిభిర్ మయోభువః శివాభిర్ అసచద్విషః || 8-020-24
యత్ సిన్ధౌ యద్ అసిక్న్యాం యత్ సముద్రేషు మరుతః సుబర్హిషః |
యత్ పర్వతేషు భేషజమ్ || 8-020-25
విశ్వమ్ పశ్యన్తో బిభృథా తనూష్వ్ ఆ తేనా నో అధి వోచత |
క్షమా రపో మరుత ఆతురస్య న ఇష్కర్తా విహ్రుతమ్ పునః || 8-020-26
