ఋధగ్ ఇత్థా స మర్త్యః శశమే దేవతాతయే |
యో నూనమ్ మిత్రావరుణావ్ అభిష్టయ ఆచక్రే హవ్యదాతయే || 8-101-01
వర్షిష్ఠక్షత్రా ఉరుచక్షసా నరా రాజానా దీర్ఘశ్రుత్తమా |
తా బాహుతా న దంసనా రథర్యతః సాకం సూర్యస్య రశ్మిభిః || 8-101-02
ప్ర యో వామ్ మిత్రావరుణాజిరో దూతో అద్రవత్ |
అయఃశీర్షా మదేరఘుః || 8-101-03
న యః సమ్పృచ్ఛే న పునర్ హవీతవే న సంవాదాయ రమతే |
తస్మాన్ నో అద్య సమృతేర్ ఉరుష్యతమ్ బాహుభ్యాం న ఉరుష్యతమ్ || 8-101-04
ప్ర మిత్రాయ ప్రార్యమ్ణే సచథ్యమ్ ఋతావసో |
వరూథ్యం వరుణే ఛన్ద్యం వచ స్తోత్రం రాజసు గాయత || 8-101-05
తే హిన్విరే అరుణం జేన్యం వస్వ్ ఏకమ్ పుత్రం తిసౄణామ్ |
తే ధామాన్య్ అమృతా మర్త్యానామ్ అదబ్ధా అభి చక్షతే || 8-101-06
ఆ మే వచాంస్య్ ఉద్యతా ద్యుమత్తమాని కర్త్వా |
ఉభా యాతం నాసత్యా సజోషసా ప్రతి హవ్యాని వీతయే || 8-101-07
రాతిం యద్ వామ్ అరక్షసం హవామహే యువాభ్యాం వాజినీవసూ |
ప్రాచీం హోత్రామ్ ప్రతిరన్తావ్ ఇతం నరా గృణానా జమదగ్నినా || 8-101-08
ఆ నో యజ్ఞం దివిస్పృశం వాయో యాహి సుమన్మభిః |
అన్తః పవిత్ర ఉపరి శ్రీణానో ऽయం శుక్రో అయామి తే || 8-101-09
వేత్య్ అధ్వర్యుః పథిభీ రజిష్ఠైః ప్రతి హవ్యాని వీతయే |
అధా నియుత్వ ఉభయస్య నః పిబ శుచిం సోమం గవాశిరమ్ || 8-101-10
బణ్ మహాఅసి సూర్య బళ్ ఆదిత్య మహాఅసి |
మహస్ తే సతో మహిమా పనస్యతే ऽద్ధా దేవ మహాఅసి || 8-101-11
బట్ సూర్య శ్రవసా మహాఅసి సత్రా దేవ మహాఅసి |
మహ్నా దేవానామ్ అసుర్యః పురోహితో విభు జ్యోతిర్ అదాభ్యమ్ || 8-101-12
ఇయం యా నీచ్య్ అర్కిణీ రూపా రోహిణ్యా కృతా |
చిత్రేవ ప్రత్య్ అదర్శ్య్ ఆయత్య్ అన్తర్ దశసు బాహుషు || 8-101-13
ప్రజా హ తిస్రో అత్యాయమ్ ఈయుర్ న్య్ అన్యా అర్కమ్ అభితో వివిశ్రే |
బృహద్ ధ తస్థౌ భువనేష్వ్ అన్తః పవమానో హరిత ఆ వివేశ || 8-101-14
మాతా రుద్రాణాం దుహితా వసూనాం స్వసాదిత్యానామ్ అమృతస్య నాభిః |
ప్ర ను వోచం చికితుషే జనాయ మా గామ్ అనాగామ్ అదితిం వధిష్ట || 8-101-15
వచోవిదం వాచమ్ ఉదీరయన్తీం విశ్వాభిర్ ధీభిర్ ఉపతిష్ఠమానామ్ |
దేవీం దేవేభ్యః పర్య్ ఏయుషీం గామ్ ఆ మావృక్త మర్త్యో దభ్రచేతాః || 8-101-16
