ప్ర క్షోదసా ధాయసా సస్ర ఏషా సరస్వతీ ధరుణమ్ ఆయసీ పూః |
ప్రబాబధానా రథ్యేవ యాతి విశ్వా అపో మహినా సిన్ధుర్ అన్యాః || 7-095-01
ఏకాచేతత్ సరస్వతీ నదీనాం శుచిర్ యతీ గిరిభ్య ఆ సముద్రాత్ |
రాయశ్ చేతన్తీ భువనస్య భూరేర్ ఘృతమ్ పయో దుదుహే నాహుషాయ || 7-095-02
స వావృధే నర్యో యోషణాసు వృషా శిశుర్ వృషభో యజ్ఞియాసు |
స వాజినమ్ మఘవద్భ్యో దధాతి వి సాతయే తన్వమ్ మామృజీత || 7-095-03
ఉత స్యా నః సరస్వతీ జుషాణోప శ్రవత్ సుభగా యజ్ణే అస్మిన్ |
మితజ్ఞుభిర్ నమస్యార్ ఇయానా రాయా యుజా చిద్ ఉత్తరా సఖిభ్యః || 7-095-04
ఇమా జుహ్వానా యుష్మద్ ఆ నమోభిః ప్రతి స్తోమం సరస్వతి జుషస్వ |
తవ శర్మన్ ప్రియతమే దధానా ఉప స్థేయామ శరణం న వృక్షమ్ || 7-095-05
అయమ్ ఉ తే సరస్వతి వసిష్ఠో ద్వారావ్ ఋతస్య సుభగే వ్య్ ఆవః |
వర్ధ శుభ్రే స్తువతే రాసి వాజాన్ యూయమ్ పాత స్వస్తిభిః సదా నః || 7-095-06
