ఆ వాయో భూష శుచిపా ఉప నః సహస్రం తే నియుతో విశ్వవార |
ఉపో తే అన్ధో మద్యమ్ అయామి యస్య దేవ దధిషే పూర్వపేయమ్ || 7-092-01
ప్ర సోతా జీరో అధ్వరేష్వ్ అస్థాత్ సోమమ్ ఇన్ద్రాయ వాయవే పిబధ్యై |
ప్ర యద్ వామ్ మధ్వో అగ్రియమ్ భరన్త్య్ అధ్వర్యవో దేవయన్తః శచీభిః || 7-092-02
ప్ర యాభిర్ యాసి దాశ్వాంసమ్ అచ్ఛా నియుద్భిర్ వాయవ్ ఇష్టయే దురోణే |
ని నో రయిం సుభోజసం యువస్వ ని వీరం గవ్యమ్ అశ్వ్యం చ రాధః || 7-092-03
యే వాయవ ఇన్ద్రమాదనాస ఆదేవాసో నితోశనాసో అర్యః |
ఘ్నన్తో వృత్రాణి సూరిభిః ష్యామ సాసహ్వాంసో యుధా నృభిర్ అమిత్రాన్ || 7-092-04
ఆ నో నియుద్భిః శతినీభిర్ అధ్వరం సహస్రిణీభిర్ ఉప యాహి యజ్ఞమ్ |
వాయో అస్మిన్ సవనే మాదయస్వ యూయమ్ పాత స్వస్తిభిః సదా నః || 7-092-05
