కువిద్ అఙ్గ నమసా యే వృధాసః పురా దేవా అనవద్యాస ఆసన్ |
తే వాయవే మనవే బాధితాయావాసయన్న్ ఉషసం సూర్యేణ || 7-091-01
ఉశన్తా దూతా న దభాయ గోపా మాసశ్ చ పాథః శరదశ్ చ పూర్వీః |
ఇన్ద్రవాయూ సుష్టుతిర్ వామ్ ఇయానా మార్డీకమ్ ఈట్టే సువితం చ నవ్యమ్ || 7-091-02
పీవోన్నారయివృధః సుమేధాః శ్వేతః సిషక్తి నియుతామ్ అభిశ్రీః |
తే వాయవే సమనసో వి తస్థుర్ విశ్వేన్ నరః స్వపత్యాని చక్రుః || 7-091-03
యావత్ తరస్ తన్వో యావద్ ఓజో యావన్ నరశ్ చక్షసా దీధ్యానాః |
శుచిం సోమం శుచిపా పాతమ్ అస్మే ఇన్ద్రవాయూ సదతమ్ బర్హిర్ ఏదమ్ || 7-091-04
నియువానా నియుత స్పార్హవీరా ఇన్ద్రవాయూ సరథం యాతమ్ అర్వాక్ |
ఇదం హి వామ్ ప్రభృతమ్ మధ్వో అగ్రమ్ అధ ప్రీణానా వి ముముక్తమ్ అస్మే || 7-091-05
యా వాం శతం నియుతో యాః సహస్రమ్ ఇన్ద్రవాయూ విశ్వవారాః సచన్తే |
ఆభిర్ యాతం సువిదత్రాభిర్ అర్వాక్ పాతం నరా ప్రతిభృతస్య మధ్వః || 7-091-06
అర్వన్తో న శ్రవసో భిక్షమాణా ఇన్ద్రవాయూ సుష్టుతిభిర్ వసిష్ఠాః |
వాజయన్తః స్వ్ అవసే హువేమ యూయమ్ పాత స్వస్తిభిః సదా నః || 7-091-07
