వ్య్ ఉషా ఆవో దివిజా ఋతేనావిష్కృణ్వానా మహిమానమ్ ఆగాత్ |
అప ద్రుహస్ తమ ఆవర్ అజుష్టమ్ అఙ్గిరస్తమా పథ్యా అజీగః || 7-075-01
మహే నో అద్య సువితాయ బోధ్య్ ఉషో మహే సౌభగాయ ప్ర యన్ధి |
చిత్రం రయిం యశసం ధేహ్య్ అస్మే దేవి మర్తేషు మానుషి శ్రవస్యుమ్ || 7-075-02
ఏతే త్యే భానవో దర్శతాయాశ్ చిత్రా ఉషసో అమృతాస ఆగుః |
జనయన్తో దైవ్యాని వ్రతాన్య్ ఆపృణన్తో అన్తరిక్షా వ్య్ అస్థుః || 7-075-03
ఏషా స్యా యుజానా పరాకాత్ పఞ్చ క్షితీః పరి సద్యో జిగాతి |
అభిపశ్యన్తీ వయునా జనానాం దివో దుహితా భువనస్య పత్నీ || 7-075-04
వాజినీవతీ సూర్యస్య యోషా చిత్రామఘా రాయ ఈశే వసూనామ్ |
ఋషిష్టుతా జరయన్తీ మఘోన్య్ ఉషా ఉచ్ఛతి వహ్నిభిర్ గృణానా || 7-075-05
ప్రతి ద్యుతానామ్ అరుషాసో అశ్వాశ్ చిత్రా అదృశ్రన్న్ ఉషసం వహన్తః |
యాతి శుభ్రా విశ్వపిశా రథేన దధాతి రత్నం విధతే జనాయ || 7-075-06
సత్యా సత్యేభిర్ మహతీ మహద్భిర్ దేవీ దేవేభిర్ యజతా యజత్రైః |
రుజద్ దృళ్హాని దదద్ ఉస్రియాణామ్ ప్రతి గావ ఉషసం వావశన్త || 7-075-07
నూ నో గోమద్ వీరవద్ ధేహి రత్నమ్ ఉషో అశ్వావద్ పురుభోజో అస్మే |
మా నో బర్హిః పురుషతా నిదే కర్ యూయమ్ పాత స్వస్తిభిః సదా నః || 7-075-08
