ఆ గోమతా నాసత్యా రథేనాశ్వావతా పురుశ్చన్ద్రేణ యాతమ్ |
అభి వాం విశ్వా నియుతః సచన్తే స్పార్హయా శ్రియా తన్వా శుభానా || 7-072-01
ఆ నో దేవేభిర్ ఉప యాతమ్ అర్వాక్ సజోషసా నాసత్యా రథేన |
యువోర్ హి నః సఖ్యా పిత్ర్యాణి సమానో బన్ధుర్ ఉత తస్య విత్తమ్ || 7-072-02
ఉద్ ఉ స్తోమాసో అశ్వినోర్ అబుధ్రఞ్ జామి బ్రహ్మాణ్య్ ఉషసశ్ చ దేవీః |
ఆవివాసన్ రోదసీ ధిష్ణ్యేమే అచ్ఛా విప్రో నాసత్యా వివక్తి || 7-072-03
వి చేద్ ఉచ్ఛన్త్య్ అశ్వినా ఉషాసః ప్ర వామ్ బ్రహ్మాణి కారవో భరన్తే |
ఊర్ధ్వమ్ భానుం సవితా దేవో అశ్రేద్ బృహద్ అగ్నయః సమిధా జరన్తే || 7-072-04
ఆ పశ్చాతాన్ నాసత్యా పురస్తాద్ ఆశ్వినా యాతమ్ అధరాద్ ఉదక్తాత్ |
ఆ విశ్వతః పాఞ్చజన్యేన రాయా యూయమ్ పాత స్వస్తిభిః సదా నః || 7-072-05