అప స్వసుర్ ఉషసో నగ్ జిహీతే రిణక్తి కృష్ణీర్ అరుషాయ పన్థామ్ |
అశ్వామఘా గోమఘా వాం హువేమ దివా నక్తం శరుమ్ అస్మద్ యుయోతమ్ || 7-071-01
ఉపాయాతం దాశుషే మర్త్యాయ రథేన వామమ్ అశ్వినా వహన్తా |
యుయుతమ్ అస్మద్ అనిరామ్ అమీవాం దివా నక్తమ్ మాధ్వీ త్రాసీథాం నః || 7-071-02
ఆ వాం రథమ్ అవమస్యాం వ్యుష్టౌ సుమ్నాయవో వృషణో వర్తయన్తు |
స్యూమగభస్తిమ్ ఋతయుగ్భిర్ అశ్వైర్ ఆశ్వినా వసుమన్తం వహేథామ్ || 7-071-03
యో వాం రథో నృపతీ అస్తి వోళ్హా త్రివన్ధురో వసుమాఉస్రయామా |
ఆ న ఏనా నాసత్యోప యాతమ్ అభి యద్ వాం విశ్వప్స్న్యో జిగాతి || 7-071-04
యువం చ్యవానం జరసో ऽముముక్తం ని పేదవ ఊహథుర్ ఆశుమ్ అశ్వమ్ |
నిర్ అంహసస్ తమస స్పర్తమ్ అత్రిం ని జాహుషం శిథిరే ధాతమ్ అన్తః || 7-071-05
ఇయమ్ మనీషా ఇయమ్ అశ్వినా గీర్ ఇమాం సువృక్తిం వృషణా జుషేథామ్ |
ఇమా బ్రహ్మాణి యువయూన్య్ అగ్మన్ యూయమ్ పాత స్వస్తిభిః సదా నః || 7-071-06
