ప్ర మిత్రయోర్ వరుణయో స్తోమో న ఏతు శూష్యః |
నమస్వాన్ తువిజాతయోః || 7-066-01
యా ధారయన్త దేవాః సుదక్షా దక్షపితరా |
అసుర్యాయ ప్రమహసా || 7-066-02
తా న స్తిపా తనూపా వరుణ జరితౄణామ్ |
మిత్ర సాధయతం ధియః || 7-066-03
యద్ అద్య సూర ఉదితే ऽనాగా మిత్రో అర్యమా |
సువాతి సవితా భగః || 7-066-04
సుప్రావీర్ అస్తు స క్షయః ప్ర ను యామన్ సుదానవః |
యే నో అంహో ऽతిపిప్రతి || 7-066-05
ఉత స్వరాజో అదితిర్ అదబ్ధస్య వ్రతస్య యే |
మహో రాజాన ఈశతే || 7-066-06
ప్రతి వాం సూర ఉదితే మిత్రం గృణీషే వరుణమ్ |
అర్యమణం రిశాదసమ్ || 7-066-07
రాయా హిరణ్యయా మతిర్ ఇయమ్ అవృకాయ శవసే |
ఇయం విప్రా మేధసాతయే || 7-066-08
తే స్యామ దేవ వరుణ తే మిత్ర సూరిభిః సహ |
ఇషం స్వశ్ చ ధీమహి || 7-066-09
బహవః సూరచక్షసో ऽగ్నిజిహ్వా ఋతావృధః |
త్రీణి యే యేముర్ విదథాని ధీతిభిర్ విశ్వాని పరిభూతిభిః || 7-066-10
వి యే దధుః శరదమ్ మాసమ్ ఆద్ అహర్ యజ్ఞమ్ అక్తుం చాద్ ఋచమ్ |
అనాప్యం వరుణో మిత్రో అర్యమా క్షత్రం రాజాన ఆశత || 7-066-11
తద్ వో అద్య మనామహే సూక్తైః సూర ఉదితే |
యద్ ఓహతే వరుణో మిత్రో అర్యమా యూయమ్ ఋతస్య రథ్యః || 7-066-12
ఋతావాన ఋతజాతా ఋతావృధో ఘోరాసో అనృతద్విషః |
తేషాం వః సుమ్నే సుచ్ఛర్దిష్టమే నరః స్యామ యే చ సూరయః || 7-066-13
ఉద్ ఉ త్యద్ దర్శతం వపుర్ దివ ఏతి ప్రతిహ్వరే |
యద్ ఈమ్ ఆశుర్ వహతి దేవ ఏతశో విశ్వస్మై చక్షసే అరమ్ || 7-066-14
శీర్ష్ణః-శీర్ష్ణో జగతస్ తస్థుషస్ పతిం సమయా విశ్వమ్ ఆ రజః |
సప్త స్వసారః సువితాయ సూర్యం వహన్తి హరితో రథే || 7-066-15
తచ్ చక్షుర్ దేవహితం శుక్రమ్ ఉచ్చరత్ |
పశ్యేమ శరదః శతం జీవేమ శరదః శతమ్ || 7-066-16
కావ్యేభిర్ అదాభ్యా యాతం వరుణ ద్యుమత్ |
మిత్రశ్ చ సోమపీతయే || 7-066-17
దివో ధామభిర్ వరుణ మిత్రశ్ చా యాతమ్ అద్రుహా |
పిబతం సోమమ్ ఆతుజీ || 7-066-18
ఆ యాతమ్ మిత్రావరుణా జుషాణావ్ ఆహుతిం నరా |
పాతం సోమమ్ ఋతావృధా || 7-066-19
