అమీవహా వాస్తోష్ పతే విశ్వా రూపాణ్య్ ఆవిశన్ |
సఖా సుశేవ ఏధి నః || 7-055-01
యద్ అర్జున సారమేయ దతః పిశఙ్గ యచ్ఛసే |
వీవ భ్రాజన్త ఋష్టయ ఉప స్రక్వేషు బప్సతో ని షు స్వప || 7-055-02
స్తేనం రాయ సారమేయ తస్కరం వా పునఃసర |
స్తోతౄన్ ఇన్ద్రస్య రాయసి కిమ్ అస్మాన్ దుచ్ఛునాయసే ని షు స్వప || 7-055-03
త్వం సూకరస్య దర్దృహి తవ దర్దర్తు సూకరః |
స్తోతౄన్ ఇన్ద్రస్య రాయసి కిమ్ అస్మాన్ దుచ్ఛునాయసే ని షు స్వప || 7-055-04
సస్తు మాతా సస్తు పితా సస్తు శ్వా సస్తు విశ్పతిః |
ససన్తు సర్వే జ్ఞాతయః సస్త్వ్ అయమ్ అభితో జనః || 7-055-05
య ఆస్తే యశ్ చ చరతి యశ్ చ పశ్యతి నో జనః |
తేషాం సం హన్మో అక్షాణి యథేదం హర్మ్యం తథా || 7-055-06
సహస్రశృఙ్గో వృషభో యః సముద్రాద్ ఉదాచరత్ |
తేనా సహస్యేనా వయం ని జనాన్ స్వాపయామసి || 7-055-07
ప్రోష్ఠేశయా వహ్యేశయా నారీర్ యాస్ తల్పశీవరీః |
స్త్రియో యాః పుణ్యగన్ధాస్ తాః సర్వాః స్వాపయామసి || 7-055-08
