ఆపో యం వః ప్రథమం దేవయన్త ఇన్ద్రపానమ్ ఊర్మిమ్ అకృణ్వతేళః |
తం వో వయం శుచిమ్ అరిప్రమ్ అద్య ఘృతప్రుషమ్ మధుమన్తం వనేమ || 7-047-01
తమ్ ఊర్మిమ్ ఆపో మధుమత్తమం వో ऽపాం నపాద్ అవత్వ్ ఆశుహేమా |
యస్మిన్న్ ఇన్ద్రో వసుభిర్ మాదయాతే తమ్ అశ్యామ దేవయన్తో వో అద్య || 7-047-02
శతపవిత్రాః స్వధయా మదన్తీర్ దేవీర్ దేవానామ్ అపి యన్తి పాథః |
తా ఇన్ద్రస్య న మినన్తి వ్రతాని సిన్ధుభ్యో హవ్యం ఘృతవజ్ జుహోత || 7-047-03
యాః సూర్యో రశ్మిభిర్ ఆతతాన యాభ్య ఇన్ద్రో అరదద్ గాతుమ్ ఊర్మిమ్ |
తే సిన్ధవో వరివో ధాతనా నో యూయమ్ పాత స్వస్తిభిః సదా నః || 7-047-04
