ఋగ్వేదము - మండలము 7 - సూక్తము 45
| ←ముందరి అధ్యాయము | ఋగ్వేదము (ఋగ్వేదము - మండలము 7 - సూక్తము 45) | తరువాతి అధ్యాయము→ |
| దేవత : , చంధస్సు : |
| ఋగ్వేదము | |||||||||||||
|---|---|---|---|---|---|---|---|---|---|---|---|---|---|
| |||||||||||||
ఆ దేవో యాతు సవితా సురత్నో ऽన్తరిక్షప్రా వహమానో అశ్వైః |
హస్తే దధానో నర్యా పురూణి నివేశయఞ్ చ ప్రసువఞ్ చ భూమ || 7-045-01
ఉద్ అస్య బాహూ శిథిరా బృహన్తా హిరణ్యయా దివో అన్తాఅనష్టామ్ |
నూనం సో అస్య మహిమా పనిష్ట సూరశ్ చిద్ అస్మా అను దాద్ అపస్యామ్ || 7-045-02
స ఘా నో దేవః సవితా సహావా సావిషద్ వసుపతిర్ వసూని |
విశ్రయమాణో అమతిమ్ ఉరూచీమ్ మర్తభోజనమ్ అధ రాసతే నః || 7-045-03
ఇమా గిరః సవితారం సుజిహ్వమ్ పూర్ణగభస్తిమ్ ఈళతే సుపాణిమ్ |
చిత్రం వయో బృహద్ అస్మే దధాతు యూయమ్ పాత స్వస్తిభిః సదా నః || 7-045-04