దధిక్రాం వః ప్రథమమ్ అశ్వినోషసమ్ అగ్నిం సమిద్ధమ్ భగమ్ ఊతయే హువే |
ఇన్ద్రం విష్ణుమ్ పూషణమ్ బ్రహ్మణస్ పతిమ్ ఆదిత్యాన్ ద్యావాపృథివీ అపః స్వః || 7-044-01
దధిక్రామ్ ఉ నమసా బోధయన్త ఉదీరాణా యజ్ఞమ్ ఉపప్రయన్తః |
ఇళాం దేవీమ్ బర్హిషి సాదయన్తో ऽశ్వినా విప్రా సుహవా హువేమ || 7-044-02
దధిక్రావాణమ్ బుబుధానో అగ్నిమ్ ఉప బ్రువ ఉషసం సూర్యం గామ్ |
బ్రధ్నమ్ మావరుణస్య బభ్రుం తే విశ్వాస్మద్ దురితా యావయన్తు || 7-044-03
దధిక్రావా ప్రథమో వాజ్య్ అర్వాగ్రే రథానామ్ భవతి ప్రజానన్ |
సంవిదాన ఉషసా సూర్యేణాదిత్యేభిర్ వసుభిర్ అఙ్గిరోభిః || 7-044-04
ఆ నో దధిక్రాః పథ్యామ్ అనక్త్వ్ ఋతస్య పన్థామ్ అన్వేతవా ఉ |
శృణోతు నో దైవ్యం శర్ధో అగ్నిః శృణ్వన్తు విశ్వే మహిషా అమూరాః || 7-044-05
