ప్ర వో యజ్ఞేషు దేవయన్తో అర్చన్ ద్యావా నమోభిః పృథివీ ఇషధ్యై |
యేషామ్ బ్రహ్మాణ్య్ అసమాని విప్రా విష్వగ్ వియన్తి వనినో న శాఖాః || 7-043-01
ప్ర యజ్ఞ ఏతు హేత్వో న సప్తిర్ ఉద్ యచ్ఛధ్వం సమనసో ఘృతాచీః |
స్తృణీత బర్హిర్ అధ్వరాయ సాధూర్ధ్వా శోచీంషి దేవయూన్య్ అస్థుః || 7-043-02
ఆ పుత్రాసో న మాతరం విభృత్రాః సానౌ దేవాసో బర్హిషః సదన్తు |
ఆ విశ్వాచీ విదథ్యామ్ అనక్త్వ్ అగ్నే మా నో దేవతాతా మృధస్ కః || 7-043-03
తే సీషపన్త జోషమ్ ఆ యజత్రా ఋతస్య ధారాః సుదుఘా దుహానాః |
జ్యేష్ఠం వో అద్య మహ ఆ వసూనామ్ ఆ గన్తన సమనసో యతి ష్ఠ || 7-043-04
ఏవా నో అగ్నే విక్ష్వ్ ఆ దశస్య త్వయా వయం సహసావన్న్ ఆస్క్రాః |
రాయా యుజా సధమాదో అరిష్టా యూయమ్ పాత స్వస్తిభిః సదా నః || 7-043-05
