ఓ శ్రుష్టిర్ విదథ్యా సమ్ ఏతు ప్రతి స్తోమం దధీమహి తురాణామ్ |
యద్ అద్య దేవః సవితా సువాతి స్యామాస్య రత్నినో విభాగే || 7-040-01
మిత్రస్ తన్ నో వరుణో రోదసీ చ ద్యుభక్తమ్ ఇన్ద్రో అర్యమా దదాతు |
దిదేష్టు దేవ్య్ అదితీ రేక్ణో వాయుశ్ చ యన్ నియువైతే భగశ్ చ || 7-040-02
సేద్ ఉగ్రో అస్తు మరుతః స శుష్మీ యమ్ మర్త్యమ్ పృషదశ్వా అవాథ |
ఉతేమ్ అగ్నిః సరస్వతీ జునన్తి న తస్య రాయః పర్యేతాస్తి || 7-040-03
అయం హి నేతా వరుణ ఋతస్య మిత్రో రాజానో అర్యమాపో ధుః |
సుహవా దేవ్య్ అదితిర్ అనర్వా తే నో అంహో అతి పర్షన్న్ అరిష్టాన్ || 7-040-04
అస్య దేవస్య మీళ్హుషో వయా విష్ణోర్ ఏషస్య ప్రభృథే హవిర్భిః |
విదే హి రుద్రో రుద్రియమ్ మహిత్వం యాసిష్టం వర్తిర్ అశ్వినావ్ ఇరావత్ || 7-040-05
మాత్ర పూషన్న్ ఆఘృణ ఇరస్యో వరూత్రీ యద్ రాతిషాచశ్ చ రాసన్ |
మయోభువో నో అర్వన్తో ని పాన్తు వృష్టిమ్ పరిజ్మా వాతో దదాతు || 7-040-06
నూ రోదసీ అభిష్టుతే వసిష్ఠైర్ ఋతావానో వరుణో మిత్రో అగ్నిః |
యచ్ఛన్తు చన్ద్రా ఉపమం నో అర్కం యూయమ్ పాత స్వస్తిభిః సదా నః || 7-040-07
