న సోమ ఇన్ద్రమ్ అసుతో మమాద నాబ్రహ్మాణో మఘవానం సుతాసః |
తస్మా ఉక్థం జనయే యజ్ జుజోషన్ నృవన్ నవీయః శృణవద్ యథా నః || 7-026-01
ఉక్థ-ఉక్థే సోమ ఇన్ద్రమ్ మమాద నీథే-నీథే మఘవానం సుతాసః |
యద్ ఈం సబాధః పితరం న పుత్రాః సమానదక్షా అవసే హవన్తే || 7-026-02
చకార తా కృణవన్ నూనమ్ అన్యా యాని బ్రువన్తి వేధసః సుతేషు |
జనీర్ ఇవ పతిర్ ఏకః సమానో ని మామృజే పుర ఇన్ద్రః సు సర్వాః || 7-026-03
ఏవా తమ్ ఆహుర్ ఉత శృణ్వ ఇన్ద్ర ఏకో విభక్తా తరణిర్ మఘానామ్ |
మిథస్తుర ఊతయో యస్య పూర్వీర్ అస్మే భద్రాణి సశ్చత ప్రియాణి || 7-026-04
ఏవా వసిష్ఠ ఇన్ద్రమ్ ఊతయే నౄన్ కృష్టీనాం వృషభం సుతే గృణాతి |
సహస్రిణ ఉప నో మాహి వాజాన్ యూయమ్ పాత స్వస్తిభిః సదా నః || 7-026-05
