అపాద్ ఇత ఉద్ ఉ నశ్ చిత్రతమో మహీమ్ భర్షద్ ద్యుమతీమ్ ఇన్ద్రహూతిమ్ |
పన్యసీం ధీతిం దైవ్యస్య యామఞ్ జనస్య రాతిం వనతే సుదానుః || 6-038-01
దూరాచ్ చిద్ ఆ వసతో అస్య కర్ణా ఘోషాద్ ఇన్ద్రస్య తన్యతి బ్రువాణః |
ఏయమ్ ఏనం దేవహూతిర్ వవృత్యాన్ మద్ర్యగ్ ఇన్ద్రమ్ ఇయమ్ ఋచ్యమానా || 6-038-02
తం వో ధియా పరమయా పురాజామ్ అజరమ్ ఇన్ద్రమ్ అభ్య్ అనూష్య్ అర్కైః |
బ్రహ్మా చ గిరో దధిరే సమ్ అస్మిన్ మహాంశ్ చ స్తోమో అధి వర్ధద్ ఇన్ద్రే || 6-038-03
వర్ధాద్ యం యజ్ఞ ఉత సోమ ఇన్ద్రం వర్ధాద్ బ్రహ్మ గిర ఉక్థా చ మన్మ |
వర్ధాహైనమ్ ఉషసో యామన్న్ అక్తోర్ వర్ధాన్ మాసాః శరదో ద్యావ ఇన్ద్రమ్ || 6-038-04
ఏవా జజ్ఞానం సహసే అసామి వావృధానం రాధసే చ శ్రుతాయ |
మహామ్ ఉగ్రమ్ అవసే విప్ర నూనమ్ ఆ వివాసేమ వృత్రతూర్యేషు || 6-038-05
